Populyar Yeni il salatı ən təhlükəli yemək adlandırıldı

Məşhur Yeni il salatı, Şuba aterosklerozun inkişafına səbəb ola bilər.

Sonxeber.az Lent.az-a istinadən xəbər verir ki, endokrinoloqlar belə bir xəbərdarlıq ediblər.

Ekspertlərin sözlərinə görə, hətta böyük miqdarda tərəvəz də onu təhlükəli olmaqdan xilas edə bilməz.

"Yeni il süfrəsindəki ən təhlükəli yemək Şuba salatıdır. Bu yeməyi yeyərək, bədəninizdə aterosklerozun inkişafına və xolesterol səviyyəsinin artmasına səbəb ola bilərsiniz". Endokrinoloqların rəyinə görə, bu salatın əsas çatışmazlıqları nişasta, yüksək glisemik indeks və yağlı maddələrdir. Şuba salatının istehlakı səbəbindən ödem, böyrək problemləri və qan təzyiqinin artması riski var.

Dietoloqların nöqteyi-nəzərindən, Yeni ili qeyd etmək bədən üçün ən ciddi sınaqdır, çoxlu kalorili yeməklər, gec yeməklər, spirtli içkilər - bütün bunlar mədə-bağırsaq traktının ciddi stressinə çevrilir. Ona görə, bayram süfrəsində bir qədər ehtiyatlı davranmanız lazımdır.

Telegramda izləyin