Bərbərxanada qardaşını öldürən kişinin ifadəsi ortaya çıxdı

Samsunda Ahmet Kolun adlı kişi bərbərxanada qardaşı Barış Kolunu güllələyərək öldürüb.

Sonxeber.az türk mediasına istinadən xəbər verir ki, Ahmet Kolun hadisədən sonra həbs edilib.

Onun prokurorluq ifadəsi məlum olub. Ahmet Kol ifadəsində qardaşının onu vuracağını düşünərək panikada atəş açdığını iddia edib.

"Barış Kol mənim qardaşımdır. Onunla əvvəllər heç bir düşmənçiliyim olmayıb. Barış həbsdən çıxandan sonra bütün ailə üzvlərinə davamlı olaraq təhqiramiz mesajlar göndərir və ailədə iğtişaşlar yaradırdı. Bunlardan bəziləri hələ də mənim telefonumdadır. Hadisə günü onun bərbərxanada olduğunu biləndə yanına getmək istədim. Dostum Orxan qapıda siqaret çəkirdi. Mən də girdim. Qardaşım Barış arxası mənə dönük oturmuşdu. Ona tərəf getdim. Dedim ki, nə olub, məni vuracaqsan? 'Bəli, səni güllələyəcəm.' dedi. Dedim ki, gəl danışaq. Sonra gördüm ki, bərbərin şkafından silahı çıxardı. Mənə tərəf dönəcəyini anlayanda bir anlıq çaxnaşma içində mən də silahımı çıxardım və atəş açdım. Neçə güllə atdığımı xatırlamıram".

Telegramda izləyin