Qapı bağlandı, balkondan keçmək istədi: 2-ci mərtəbədən yıxılaraq ağır yaralandı

Ankaranın Sincan rayonuna bağlı Tandoğan məhəlləsində dünən axşam dəhşətli hadisə baş verib.

Sonxeber.az türk mediasına istinadən xəbər verir ki, iddiaya görə, 22 yaşlı H.D. evinə daxil ola bilmədiyi və içəridə yatan həyat yoldaşını oyandıra bilmədiyi üçün başqa çıxış yolu axtarıb.

Bunun üzərinə qonşusunun balkonundan öz balkonuna keçməyə çalışan gənc qadın, 2-ci mərtəbədən aşağı düşüb. Ətrafdakıların məlumat verməsi ilə hadisə yerinə polis və təcili tibbi yardım briqadası cəlb olunub.

Ağır yaralanan H.D. ilkin tibbi müdaxilədən sonra təcili yardım maşını ilə xəstəxanaya aparılıb. Bir uşaq anası olan qadının vəziyyətinin ağır olaraq qaldığı bildirilib. Hadisə ilə bağlı araşdırma başlayıb.

Hadisə ilə bağlı danışan gənc qadının qonşusu Mürşidə Kılıç belə deyib: "Qonşumuzun əri evdə yatırmış. O isə binanın önündə otururmuş. Eve getmək istəyib. Qapını döyüb, amma əri oyana bilməyib. Ağılına qonşusunun balkonundan öz evinə keçmək fikri gəlib. Yanındakılar onu xəbərdar etsələr də, qulaq asmayıb. Balkon dəmirlərindən tutuna bilməyib, yerə düşüb. Daxili qanaxması olub. Polis və təcili yardım gələndə müdaxilə etdilər. Yerdə yatırdı, hər yeri qan içində idi", - deyə bildirib.

Telegramda izləyin