Axşam tost yedi, gecə soyğunçuluq etdi! Hər anı kameraya düşdü - VİDEO

Seyhan rayonuna bağlı Gürselpaşa məhəlləsindəki bir yeməkxanaya gələn 24 yaşlı A.D., burada yemək yedikdən sonra iş yerinin sahibinin pulu sayıb kassaya qoyduğunu gördü.

Sonxeber.az xəbər verir ki, məkanın sahibi N.G. dükanı bağlayıb evə getdikdən sonra şübhəli planını həyata keçirdi. Gecə yarısı iş yerinə gələn A.D., dükanı açaraq içəri daxil oldu, kassadakı 10 min lirə pul və bir mobil telefonu götürərək hadisə yerindən uzaqlaşdı. Soyğun anı təhlükəsizlik kameralarına saniyə-saniyə əks olundu.

Səhər iş yerini açan sahib vəziyyəti görüb dərhal polisə məlumat verdi. Asayiş Şöbəsinin oğurluq və cibgirlik bölməsi əməkdaşları ətrafdakı təhlükəsizlik kameralarını araşdıraraq şübhəlini müəyyən etdilər.

Keçirilən əməliyyatla evində tutulmuş A.D. polis idarəsində verdiyi ifadəsində günahını etiraf etdi: "Pulun kassaya qoyulduğunu görüb dayana bilmədim, oğurladım. Hamısını da xərcləmişəm."

Şübhəli məhkəməyə göndərildi, tutularaq həbs olundu. Tapılan mobil telefon isə sahibinə qaytarıldı.

Telegramda izləyin