32 yaşlı ana iki qadın tərəfindən 36 günlük körpəsinin yanında öldürüldü

Burdurda Özge Bediri adlı qadını 36 günlük körpəsi ilə birlikdə olarkən bıçaqlayaraq öldürən iki qadının ifadələri ortaya çıxıb.

Sonxeber.az türk mediasına istinadən xəbər verir ki, hadisə dünən saat 21:00 radələrində Burdurun Bağlar məhəlləsindəki yaşayış massivində baş verib.

Belə ki, adları hələlik açıqlanmayan iki qadın Özge Bedir (32) adlı qadının evinə gələrək onu 36 günlük körpəsinin yanında öldürüblər. Qonşuların məlumatı ilə ünvana təcili tibbi yardım və polis qrupları sövq edilib.

Polis şübhəliləri saxlayıb. Şübhəlilərdən biri zərərçəkənin onu danışmaq üçün evə çağırdığını və bıçaqla ona hücum edəndə özünü qorumaq üçün onu vurduğunu deyib.

Araşdırma zamanı şübhəli qadınlardan birinin ötən il Bedirin əri ilə münasibətdə olduğu da iddia edilib.

İstintaq davam edir.

Telegramda izləyin