"İntihar edəcəyəm" deyə xəbər verdi, sonra balkondan tullanmağa cəhd etdi - VİDEO

Türkiyənin Burdur şəhərində dramatik bir hadisə yaşanıb.

Sonxeber.az türk mediasına istinadən xəbər verir ki, 112 Təcili Zəng Mərkəzinə daxil olan məlumata görə, Menderes prospektində yerləşən bir evdə yaşayan qadının iki qızı ilə birlikdə təbii qazı açaraq intihar edəcəyi bildirilib.

Dərhal hadisə yerinə polis, təcili tibbi yardım və təbii qaz xidmətinin əməkdaşları göndərilib. Qapı açılaraq mənzilə daxil olunan kimi qaz vanası bağlanıb və təhlükə aradan qaldırılıb.

Evdə olan A.K. isə verdiyi açıqlamada intihar xəbərdarlığını özünün etmədiyini və əməkdaşların icazəsiz şəkildə evinə daxil olduqlarını iddia edərək etiraz edib. Lakin təcili zəng edilən nömrə geri yığıldıqda, zəngin məhz A.K.-ya məxsus telefondan edildiyi təsdiqlənib.

Qruplar hadisə yerindən ayrılmaq üzrə olarkən, A.K. qəfil balkona çıxaraq özünü aşağı atmağa cəhd edib. "Qızlarım var, məni xilas edin" deyə fəryad edən qadın, müdaxilə edən polis və sağlamlıq əməkdaşları tərəfindən son anda xilas edilib.

A.K. hadisə yerində təcili tibbi yardıma təhvil verilərək xərəkdə xəstəxanaya aparılıb. Hadisə ilə bağlı araşdırma başlanılıb.

Telegramda izləyin