Arvadını izlədiyini iddia etdiyi şəxsi küçənin ortasında döydü – VİDEO

İstanbulun Beylikdüzü rayonunda baş verən hadisə qorxu dolu anlara səbəb olub.

Sonxeber.az türk mediasına istinadən xəbər verir ki, dünən axşam saatlarında Marmara Mahalləsinin Hürriyyət bulvarında yeriyən qadın bir şəxsin onu izlədiyini düşünərək dərhal həyat yoldaşını xəbərdar edib. Hadisə yerinə gələn kişi iddia edilən şəxslə mübahisə etməyə başlayıb.

Sinirlərinə hakim ola bilməyən kişi, "Sən kimi izləyirsən?" deyərək həmin şəxsi dəfələrlə döyüb. Zərbələr nəticəsində şübhəli qan içində yerə yıxılıb.

Ətrafdakı vətəndaşlar tərəfindən çəkilən görüntülərdə həmin anlar aydın şəkildə əks olunub.

Telegramda izləyin