Avtobusla yük maşını toqquşdu: 2-si ağır olmaqla 12 yaralı var

Bilecikin Gökgöz məhəlləsi yaxınlığında baş verən yol qəzasında 12 nəfər xəsarət alıb, onlardan ikisinin vəziyyəti ağırdır.

Sonxeber.az türk mediasına istinadən xəbər verir ki, İstanbuldan Denizliyə hərəkət edən, içində 40 sərnişin olan A.T. idarəsindəki 34 YK 4734 dövlət nömrə nişanlı avtobus, qarşısında hərəkətdə olan, ərzaq məhsulları daşıyan 16 AOB 34 nömrəli TIR-a arxadan çırpılıb. Toqquşmanın təsiri ilə avtobus təxminən 500 metr irəliləyərək yanacaqdoldurma məntəqəsinin qarşısında dayana bilib.

Hadisə yerinə təcili tibbi yardım, polis, xilasetmə qüvvələri cəlb olunub. Qəzada sürücü A.T., əlavə sürücü Ö.A., köməkçi H.G. və 9 sərnişin olmaqla ümumilikdə 12 nəfər yaralanıb. Yaralılar xəstəxanalara çatdırılıb, ikisinin vəziyyəti kritik olaraq qiymətləndirilir.

TIR sürücüləri xəsarət almasa da, izahatları alınmaq üçün polisə aparılıb. Qəza səbəbilə D-650 magistralında Bilecik istiqamətində nəqliyyat bir müddət tək zolaqla təmin olunub.

Hadisə ilə bağlı araşdırma aparılır.

Telegramda izləyin