Sirkənin faydaları: Qan şəkərini azaldır, xolesterolu tənzimləyir

Qida jurnalında dərc olunan yeni elmi icmal sirkənin müxtəlif faydalarını bir daha ortaya qoyub.

Sonxeber.az türk mediasına istinadən xəbər verir ki, araşdırmaya görə, sirkə xüsusilə qan şəkərinin idarə olunmasına təsir edir. Sirkənin həm sağlam şəxslərdə, həm də diabet xəstələrində yemək sonrası qəbulu qan şəkərini və insulin səviyyəsini azaltdığını sübut edib.

İcmalda sirkənin xolesterol və lipid metabolizması üzərində də müsbət təsirlərə malik olduğu vurğulanıb. Müxtəlif tədqiqatlar sirkə istifadəsinin ümumi xolesterol və LDL ("pis xolesterol") göstəricilərini aşağı saldığını ortaya qoyub.

Həmçinin alma sirkəsinin istehsalı zamanı yaranan bəzi maddələrin təcrübə heyvanlarında şiş əleyhinə təsir göstərdiyi bildirilib.

Minilliklərdir istifadə olunan sirkənin bu faydaları qədim dövrlərdən günümüzə qədər gələn ənənələrin elmi təsdiqi kimi dəyərləndirilir.

Telegramda izləyin