Həyatınızı məhv edən az bilinən dəri xəstəliyi

Bu az tanınan dəri xəstəliyi qəfil şəkildə ortaya çıxaraq insanların həyatını alt-üst edə bilər. Bir çoxları onu sızanaq və ya rozasea ilə səhv salır, amma perioral dermatit əslində üç fərqli xəstəliyin "uyğunsuz qarışığı" kimi təsvir olunur.

Lent.az xarici mediaya istinadla bildirir ki, perioral dermatit adətən başqa problemlərlə səhv salınan və daha çox 20-45 yaş arası qadınlarda rast gəlinən bir dəri xəstəliyidir. Xəstəlik əvvəlcə ağız, burun və çənə ətrafında yavaş-yavaş yayılmağa başlayan kiçik səpkilərlə özünü göstərir.

Sızanaqdan fərqli olaraq perioral dermatit çapıq qoymur, lakin başqa bir xoşagəlməz xüsusiyyəti var. Dəri yanmağa, qaşınmağa və dartılmağa başlayır, sanki üzə zımpara ilə masaj edirlər. Bir çox terapevtlər onu adi səpkilər kimi qiymətləndirərək hidrokortizon kimi yerli steroid kremləri təyin edirlər. Lakin bu cür kremlər vəziyyəti daha da ağırlaşdırır.

Steroid kremdən sonra üzü yanmış pizza kimi görünürdü. Müvəqqəti rahatlıqdan sonra vəziyyət daha da pisləşmişdi. O, vəziyyəti ağırlaşdıran əsas təhrikedici amillərdən də danışıb. Perioral dermatiti daha da gücləndirən ən böyük düşmən doyurucu tərkibli yumşaldıcı vasitələr və steroidlərdir.

Qaçınılmalı əsas təhrikedici amillər

Steroid kremlər (hidrokortizon).

Ağır tərkibli məhsullar: çox yağlı nəmləndiricilər, balzamlar, bitki yağları, vazelin.

Qoxulu kosmetik vasitələr və pilinqlər.

Telegramda izləyin