Elektrik xətti çoxsaylı vəhşi heyvanın tələf olmasına səbəb oldu - VİDEO

Vanın Tuşba rayonunun Gendelova və Gölyazı məhəllələri arasında ötən ay baş verən hadisə bölgədə narahatlıq yaradıb.

Sonxeber.az türk mediasına istinadən xəbər verir ki, Vangölü Elektrik Dağıtım A.Ş.-yə (VEDAŞ) məxsus elektrik dirəyinin aşması nəticəsində yerə düşən enerji xətti bir neçə vəhşi heyvanı elektrik cərəyanı vurması nəticəsində tələf olmasına səbəb olub.

Bölgədə heyvandarlıqla məşğul olan Erkan Kızıltaşın mobil telefonla çəkdiyi görüntülərdə aşmış taxta dirəyə bağlı elektrik xətti boyunca tülkü və qaban da daxil olmaqla çox sayda çöl heyvanın cansız bədənləri əks olunub. Heyvanların su və ya yem axtarışı zamanı yerə düşmüş kabelə toxunduqları ehtimal edilir.

Hadisə ilə bağlı İHA-ya danışan Erkan Kızıltaş bildirib ki, güclü fırtına nəticəsində aşan dirək elektrik xəttini yerə endirib və nəticədə 6 tülkü, 3 qaban və 1 qarğa elektrik cərəyanına qapılaraq ölüb. O, bu kimi faciələrin təkrarlanmaması üçün bölgədəki köhnə taxta dirəklərin VEDAŞ tərəfindən yenilənməsinin vacibliyini vurğulayıb.

Telegramda izləyin