Atasının dəfn mərasimində yaşadığı hadisə qadını ikinci dəfə sarsıtdı - VİDEO

Atasının dəfn mərasimində 600 min TL dəyərində qızıl-zinət əşyalarının oğurlandığını iddia edən qadın yaşadığı hadisəni sosial şəbəkədə paylaşdığı video ilə gündəmə gətirib.

Sonxeber.az türk mediasına istinadən xəbər verir ki, ağrılı günlərində belə bir hadisə ilə üzləşməyin onları bir daha yıxdığını deyən qadın, "İnsanlar dua etmək əvəzinə fürsət güddülər, bizə bir acı da yaşatdılar" sözləri ilə etirazını bildirib.

Qadının iddiasına görə, dəfn mərasimi zamanı qızıl- zinət əşyaları naməlum şəkildə yoxa çıxıb. Hadisədən sonra yaşadıqlarını danışdığı video qısa müddətdə sosial mediada geniş yayılaraq böyük rezonans doğurub.

Paylaşımın altına çoxsaylı istifadəçi şərh yazarkən, "Oğruların Allah bəlasını versin", "Qohum, qonşu dediklərin belə şeytani oğrudur", "Dəfn mərasimində belə fürsət güdənlər var" kimi sərt reaksiyalar diqqət çəkib.

Hadisə ilə bağlı rəsmi qurumlar tərəfindən araşdırma aparılıb-aparılmadığı isə hələlik məlum deyil.

Telegramda izləyin