Zərgər gətirilən bir çanta qızılı qəbul etmədi: "Bu günaha girə bilmərəm"

Bir zərgərin ona "əmanət" olaraq veriləcək qızılları qəbul etməməsi sosial mediada gündəm olub.

Sonxeber.az türk mediasına itinadən xəbər verir ki, zərgər, illərdir tanıdığı bir şəxsin "Bunları götür, işlət" deyərək qızıllarını saxlamaq istəməsinə qəti şəkildə etiraz edib.

Əmanəti niyə qəbul etmədiyini izah edən zərgər, etibar münasibətlərinin kənardan göründüyü kimi olmaya biləcəyini vurğulayıb. "Bir-birimizi illərdir tanımağımızın önəmi yoxdur. Siz burada bizim üzümüzü görürsünüz, amma arxa tərəfdə nə baş verdiyini bilmirsiniz" deyən zərgər, mümkün ticari zərər halında əmanət pulun risk altına düşəcəyini bildirib.

"Deyək ki, əmanəti götürdüm, işlər tərsinə getdi, pul batdı. Bağlanacaq ilk boşluq sizin əmanət pulunuz olar. Mən bunun günahını üzərimə ala bilmərəm" sözləri ilə mövqeyində israr edən zərgər, əmanət qızılla ticarət aparmağın həm etik, həm də hüquqi risklər daşıdığına diqqət çəkib.

Həmin anlara aid görüntülər sosial mediada paylaşıldıqdan sonra çoxsaylı istifadəçi zərgərin davranışını "dürüstlüyün nümunəsi" kimi dəyərləndirib.

Telegramda izləyin