Yeni doğulan körpənin adı ailə faciəsi yaratdı - VİDEO

Türkiyənin Kütahya şəhərində yeni doğulan körpəyə veriləcək adla bağlı ailədaxili mübahisə silahlı insidentlə nəticələnib.

Sonxeber.az türk mediasına istinadən xəbər verir ki, hadisə şəhərin Şehit Sadık Uçak küçəsində baş verib. İddialara görə, ailə üzvləri arasında yeni doğulan körpəyə qoyulacaq ad məsələsində başlayan mübahisə qısa zamanda böyüyərək qarşıdurmaya çevrilib. Bu zaman qayınata A.E. avtomobilindən götürdüyü tüfənglə kürəkəni S.D.-yə küçədə atəş açıb.

Saçmaların ayağına dəyməsi nəticəsində S.D. yaralanıb. Hadisə yerinə çağırılan təcili tibbi yardım və polis əməkdaşları yaralını yaxınlıqdakı özəl xəstəxanaya çatdırıblar. İlkin tibbi müdaxilədən sonra o, Kütahya Şehir Hastanesinə göndərilib.

Polis əməkdaşları şübhəli qayınata A.E.-ni hadisə aləti olan tüfənglə birlikdə saxlayaraq istintaqa təhvil veriblər. Faktla bağlı araşdırma davam etdirilir.

Telegramda izləyin