"Qlobal istiləşməyə qarşı mübarizə üsulları effektsizdir"-Adil Qeybulla

Ölkə ərazisində önümüzdəki günlərdə havanın kəskin istiləşəcəyi və temperaturun yüksələcəyi gözlənilir. Sinoptiklərin xəbərdarlıq etdiyi bu istilər fonunda mütəxəssislər görünən və görünməyən bir çox risklərin ortaya çıxdığını bildirirlər. Yaranmış vəziyyətin həm insan orqanizminə, həm də ekosistemə təsirləri ilə bağlı tibb elmləri doktoru, professor Adil Qeybulla diqqətçəkən məqamlara toxunub.

"Əslində bu günlərdə Azərbaycanda müşahidə olunan havalar xüsusi isti sayıla bilməz. Qlobal istiləşmə, yəni yer kürəsinin termorequlyasiya proseslərin pozulmasından qaynaqlanan istilər əsasən Avropada müşahidə edilir. Bu cür istilərin gələcəkdə də olması gözlənilir. Məsələ bundadır ki, insanlanların bu və daha yüksək istilərdən qorunma imkanları var: evlər, kondisionerlər, kölgəliklər və.s Lakin unutmaq olmaz ki, bu istilər fauna və floraya da təsir edir. Hesab edirəm ki, qlobal istiləşmənin görünən və görünməyən tərəfləri var. Təkcə insan orqanizminə təsir edən isti deyil, bu da ayrı-ayrı virusların fəallaşması, bakteriyaların və digər növlərin aktivləşməsi, immun sistemində olan dəyişikliklər və.s nəticələrini artıq görməkdəyik. Hesab edirəm ki, qlobal istiləşmə ilə aparılan mübarizə üsulları tamamilə effektsiz olub. Birinci növbədə qlobal istiləşmə ilə mübarizədə atmosfer havasında toplanan, akkumulyasiya edən karbon qazının utilizasiyasına diqqət edilməlidir. Təəssüf ki, bununla bağlı konkret, əsaslı konsepsiya ortada yoxdur."

Türkanə Muradlı

Telegramda izləyin