Xarici bazardan asılılığı minimuma endirmək istəyirik - ŞƏRH

"Azərbaycan müharibədən çıxmış bir ölkədir. Altı il öncə torpaqlarımızı öz gücümüz hesabına işğaldan azad etdik. Metallurgiya xüsusilə ordu üçün silah-sursatın hazırlanmasında vacib istiqamətlərdən biridir. Bununla yanaşı, işğaldan azad edilmiş ərazilərimizin bərpasında da dağ-mədən sənayesinə və metallurgiyaya ciddi ehtiyac var".

Bunu Sonxeber.az-a açıqlamasında siyasi şərhçi Azər Həsrət deyib.

O, bildirib ki, Azərbaycan Prezidenti məsələnin üzərinə bu şəkildə getməklə çox strateji düşüncə sərgiləmiş olur:

"Azərbaycan dövləti sadəcə yerində saymır, hansısa problemi həll etdikdən sonra arxayınlaşmır. Əksinə, bu sahədə də öz gücünü artırmağa çalışır. Ümumiyyətlə, xarici bazardan asılılığı minimuma endirmək istəyirik. Azərbaycan bir çox sahələrdə mal, avadanlıq və digər məhsulları xaricdən alır. Dövlət çalışır ki, bu istiqamətlərdə də öz müstəqilliyini təmin etsin. Xarici bazardan, xarici istehsalçıdan və xarici məhsul sahiblərindən asılılıq müəyyən mənada dövlətin də asılılığına gətirib çıxara bilər. Dövlət öz daxilində, o cümlədən bu sahədə xarici asılılığı minimuma endirə bilirsə, onun müstəqilliyi və suverenliyi daha da möhkəmlənmiş olur. Prezident İlham Əliyev də məhz bu baxımdan bu proqramı gündəmə gətirib. Əlbəttə, bu, yalnız dağ-mədən sənayesi və metallurgiya ilə məhdudlaşmayacaq. Digər istiqamətlərdə də bu yöndə işlər görülür və yəqin ki, yaxın vaxtlarda yeni istiqamətlər haqqında da eşidəcəyik".

Röyalə Xəyal

Telegramda izləyin