Bakı parklarındakı güllərin ətri niyə yoxdur?

Bakı parklarındakı güllərin ətri niyə yoxdur?Bakıdakı park və bağçalarda göz oxşayan güllərin qoxusu hiss edilmir. Hətta yaxınlaşıb qoxlayanda da hər hansı ətir gəlmir. Bəs nədən park və bağçalarda dekorativ güllərə üstünlük verilir?

Bakıda yol kənarlarında, parklarda gözəl gülləri, çiçəkləri çox görürük. Görünüş olaraq göz oxşayırlar, ancaq bir də qoxu məsələsi var. Bəzən yaxınlaşıb qoxlayırsan, amma hər hansı ətir gəlmir. "Qoxu bir çiçəyin ruhudur" deyib Jül Vern. Yəqin ki, elə bu səbəbdən gözəl güllər, çiçəklər görəndə hər kəs onun ətrafa gözəl qoxu bəxş etməsini istəyir. Bəs parklarla bağlı yanaşma necədir? Ətirli, yoxsa dekorativ, qoxusuz güllərə üstünlük verilir?

Sonxeber.az mövzu ilə bağlı "Kaspi" qəzetinin yazısını təqdim edir:

O güllər elə parklar üçündür

Azərbaycan Milli Elmlər Akademiyasının Mərkəzi Nəbatat Bağının "Qida və dərman bitkiləri" laboratoriyasının müdiri Yusif Zeynalov deyir ki, qoxusu olmayan dekorativ güllər əsasən park və bağçalar üçün nəzərdə tutulub:

"Parkdakı güllərdən qoxu gəlib-gəlməməsi şərt deyil. Əsas odur ki, gözəllik olsun, gələn insanların zövqünü oxşasın. Dekorativ güllərin də kökü təbiətdən alınıb. Yəni o dekorativ güllərin çoxu təbiətdə yetişənlərdir. Onları birbaşa gətirib parklarda əkmək, yetişdirmək olmur. Olarsa belə, təbiətdəki həmin gözəlliyi tam ala bilmirsən. Təbiətdəki gözəl gülləri hibridləşdirirlər, bir az dəyişdirirlər. Daha gözəl formalar, bütün mövsümlərdə çiçək açan müxtəlif çeşiddə dekorativ güllər əldə edirlər. Bəlkə 20-30 il çalışıb əmələ gətirilən sortlardır".

Y.Zeynalovun sözlərinə görə, parklarda ildə bir dəfə deyil, bir neçə dəfə çiçək açan güllərə üstünlük verilir:

"Qızılgüllərin Azərbaycanda xeyli növü var. O güllər ildə bir dəfə çiçək açır. Amma elə qızılgül sortları yetişdiriblər ki, ildə 4-5 dəfə çiçək açır. Parkların görüntüsünün hər zaman gözəl olmasında bu cəhətdən dekorativ güllər daha yaxşıdır".

Mövsümündə ətirli güllər

Ancaq bu o demək deyil ki, parklarda yalnız dekorativ, qoxusuz güllər olmalıdır. Y.Zeynalov bildirdi ki, parklarda dekorativ güllər də olmalıdır, qoxulu güllər də:

"İtburnunu əkirsən, may ayında qəşəng çiçək açır, gözəl qoxusu olur. Lalə, sünbülçiçək təbiətdə bir dəfə çiçək açır. Bunlar mövsümündə olur, dekorativ güllər isə il boyu. Parklarda həm bu cür mövsümi, həm də dekorativ güllər eyni zamanda əkilsə, həm davamlı olaraq gözəllik olar, həm də mövsümi güllərin qoxusunu hiss edərik. Təbiətimizdə olan gözəllik də ortaya çıxsın, təbiətdəki güllərin çiçək açmadığı dövrdə də çiçək açan güllər də olsun".

Toxumunu toplayıb yenidən əkirsənsə...

Fikirlər səsləndirilir ki, dekorativ güllərlə təbiilərin yetişdirilib saxlanma xərcləri arasında fərq var. Y.Zeynalov isə deyir ki, yetişdirilmə xərcləri arasında elə böyük qiymət fərqi yoxdur:

"Dekorativ bitkilərin hamısı xaricdən gətirilmir, çoxu ölkəmizdə yetişdirilir. Xaricdən gətirilsə, daha baha başa gələrdi. Dekorativ bitkilərin çoxalma üsulu fərqlidir. Toxumla, qələmlə, yarpaqla çoxalanları var. Qiymət cəhətdən toxumlar arasında elə böyük fərq etmir. Amma yetişdirdiyin məhsulun toxumunu toplayıb yenidən əkirsənsə, bu, daha ucuz başa gəlir. Qurumlar çalışırlar ki, dekorativ bitkiləri özləri çoxaltsınlar".

Y.Zeynalov qeyd etdi ki, parklarda təbii güllərin yetişdirilməsinin mümkün olmadığı kimi fikirlər doğru deyil:

"Yetişdirmək olar, sadəcə, qeyd etdiyim məsələdən dolayı üstünlük dekorativ güllərdədir. Məsələn, Dənizkənarı Bulvar ərazisində təbii güllərin yetişdirilməsi təcrübəsi var. Həm dekorativ güllər əkilir, həm də təbiilər var. Deyirlər ki, dəniz suyu buxarlanır, duzu hava vasitəsilə təsir edir. Amma duz gəlib bitkinin üstünə düşüb təsir edə bilməz. Su buxarıdır, təmiz su havaya qalxır, buxarlanır. Dəniz suyu ona mənfi təsir edə bilməz".

"Üstünlük qoxulu güllərdədir"

Dənizkənarı Bulvar İdarəsinin İdarə Heyəti sədrinin müşaviri Könül İmamverdiyeva deyir ki, bulvar ərazisində daha çox ətirli güllərin əkilməsinə üstünlük verilir:

"Park ərazisində qoxulu güllər də əkilir, qoxusuz dekorativ olanlar da. Amma üstünlük hər zaman qoxulu güllərdə olub. Hər il may ayında yay mövsümünə uyğun, qoxulu güllərin əkini aparılır. Həmin güllərin içərisində qızılgülləri qeyd etmək istərdim. Qızılgüllər may ayından avqustun sonuna qədər çiçək açır. Payız-qış aylarında bu güllərə qulluq edilir, budanır, gübrələnir. Qızılgüllərlə yanaşı, digər ətirli güllər də var. Onlar arasında violanı qeyd etmək olar. Qış mövsümü gülü sayılan viola il boyu çiçəkləyir. Bulvar ərazisində ətirli güllər daha çoxdur. Ətirli kollarımız da var. Qış aylarında da bulvar ərazisində ətirli güllər olur, yayda da. Ancaq yayda qızılgüllərin qoxusu daha çox yayılır deyə, qoxunu daha çox hiss etmək olur".

Park ərazilərindəki güllərdə qoxu hiss edilmədiyini deyənlər də olur. K.İmamverdiyeva bildirdi ki, güllərin qoxusunun daha çox hiss edildiyi vaxtlar var: "Güllərin ətrini adətən səhərlər soyuq havada və axşam çağı daha yaxşı hiss etmək olur. İstidə qoxu buxarlanır, ona görə qoxunu hiss etmək qeyri-mümkündür".

"...heç bir gülün qoxusu yoxdur"

Niderlandda çalışan azərbaycanlı florist Yusif Xəlilov deyir ki, yaşadığı Amsterdamda da parklardakı güllərin qoxusu yoxdur: "Burda bayırda olan heç bir gülün qoxusu yoxdur. Bütün növ nərgiz gülləri küçədə olur, amma heç birinin qoxusu yoxdur. Bəzi qızılgüllər var ki, qoxusu var, onların da ömrü çox azdır. Həmin güllər parklarda əkilmir, onları şəxsi evlərin qarşılarında görə bilərik. Parklarda daha çox qoxusu olmayan güllərdir".


Sonxeber.az Telegramda izləyin instagramda izləyin
Sosial   Baxılıb: 655   Tarix: 22 may 2022  

Şikayətiniz varsa Whatsapp: 051 7028255

Facebookda Paylaş


Turlar.az

Oxşar xəbərlər

.

Emin Ağalarovdan "Crocus City Hall"dakı təxliyə çıxışları ilə bağlı AÇIQLAMA

Xalq artisti Emin Ağalarov Rusiyanın Moskva vilayətində yerləşən "Crocus City Hall" konsert zalında baş verən hadisə ilə bağlı açıqlama verib. "Evakuasiya çıxışları "Crocus"da normal işləyirdi. Lakin insanlar qaçarkən işçilər üçün nəzərdə tutulan bağlı qapılara rast gəliblər"

28 mart
.

DTX 105-ci ildönümünə həsr olunan videoçarx yayımlayıb - VİDEO

Dövlət Təhlükəsizliyi Xidməti (DTX) 105-ci ildönümünə həsr olunan videoçarx yayımlayıb. xəbər verir ki, videoçarxda DTX əməkdaşlarının quruda, suda və havada keçirdikləri əməliyyatlardan görüntülər əskini tapıb. Videoçarxı təqdim edirik:

28 mart
.

Boşanma zamanı əmlakın bölünməsi ilə bağlı daha bir yenilik - Video

Boşanma zamanı ər-arvadın əmlakının bölünməsi ilə bağlı yeni qərar qəbul edilib. "Qafqazinfo"nun məlumatına görə, Xəzər TV-də yayımlanan süjetdə bildirilib ki, boşanma zamanı tərəflər arasında sənədsiz evlərin də bölgüsü aparılacaq. Belə ki, əgər tərəflər nikah dövründə özbaşına tikili inş

28 mart
.

Bakı Olimpiya Stadionunun qarşısında qəza: Sıxlıq var - FOTO

Paytaxtın Heydər Əliyev prospekti, Bakı Olimpiya Stadionunun qarşısında yol-nəqliyyat hadisəsi baş verib. Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb. Bildirilib ki, qəza səbəbindən mərkəz istiqamətində sıxlıq yaranıb. Sıxlığın qarşısını alma

28 mart
.

Azərbaycanda Əməkdar artistə 200 minlik avtomobil hədiyyə edildi - FOTO

"2011-ci ildə mənə zəng gəldi. Dedilər ki, get filan yerdən "İnfiniti QX 56" markalı avtomobili götür. Getdim gördüm ki, sənəddə Yusif Mustafayev yazılıb. Dedilər ki, sənədə imza at. O vaxt qiyməti 110 min dollar idi, təxminən 200 min manat". "axşam.az"a istinadən xəbə

28 mart
.

Vaxtilə Qarabağı tərk edən separatçı rejimin qalıqları Qarabağda təxribat törədə bilər? - AÇIQLAMA

Bu gün Ermənistan baş naziri Nikol Paşinyan hökümət iclasında "hökumət" yaratmaq istəyən separatçılara səslənib. O, bildirib ki, vaxtilə Qarabağda fəaliiyət göstərmiş, mühacirətdə olan separatçılar ölkə daxilində yaxud xaricdə "qurum" yaratmağa çalışırlar. Paşinyan açıq şəkildə deyi

28 mart
.

Bakıda sahibkar "Porsche" ilə qəza törədərək hadisə yerindən qaçdı - İTTİHAM

Bakı Apellyasiya Məhkəməsində yol-nəqliyyat hadisəsi törətməkdə və hadisə yerindən qaçmaqda təqsirləndirilən Ceyhun Quliyevin barəsindəki hökmdən verilən apellyasiya şikayəti üzrə məhkəmə iclası başa çatıb. xəbər verir ki, hakim Cavid Hüseynin sədrliyi ilə keçiriləcək prosesdə qərar elan olunub. Qərar

28 mart
.

Taksilərdə POS-terminal olmalıdır - Yeni TƏLƏB

Taksi minik avtomobili ilə sərnişin daşımalarında istifadə olunan avtonəqliyyat vasitələrinin daxili tərtibatına dair tələblər müəyyənləşib. Trend-ə istinadən xəbər verir ki, bu, Nazirlər Kabinetinin bu gün təsdiqlədiyi "Müntəzəm və taksi minik avtomobili ilə sərnişin daşımalarında istifadə oluna

28 mart
.

Rusiyada güclü zəlzələ oldu

Rusiyada 5,6 maqnitudalı zəlzələ baş verib. "Qafqazinfo" xəbər verir ki, bu barədə Rusiya Elmlər Akademiyasının Vahid Geofizika Xidmətinin Kamçatka filialı məlumat yayıb. Bildirilib ki, zəlzələ Kamçatka yarımadasının sahilində qeydə alınıb. Təbiət hadisəsinin episentri 5 km dərinlikdə yerləşib

28 mart