"Kompüterlə imtahan daha şəffaf olacaq" - Elçin Əfəndi

Dövlət İmtahan Mərkəzinin (DİM) Direktorlar Şurasının sədri Məleykə Abbaszadə imtahanların kağız üzərində deyil, kompüterdə keçiriləcəyini deyib.

Bununla bağlı Sonxeber.az-a danışan təhsil eksperti Elçin Əfəndi bildirib ki, imtahanın kompüterlə verilməsi prosesi daha da obyektiv edəcək:

"Orta təhsil müəssisəsində şagirdlərin ümumi informasiya biliklərinin qaydasında olması vacibdir ki, onlar kompüterlə işləməyi bacarsınlar. İmtahanın kompüterlə verilməsi prosesin daha da obyektiv olmasına gətirib çıxaracaq. Çünki kağız üzərində qiymətləndirmə aparılarkən abituriyentlər iddia irəli sürürdülər ki, "biz cavabı qeyd etmişik, amma düzgün götürülməyib, yoxlayan müəllim səhvə yol verib" və s. Lakin kompüterlə keçirilərsə, bu zaman daha şəffaf qiymətləndirmədən söhbət gedə bilər, imtahan nəticələri daha erkən elan oluna bilər, yəni 2-3 həftə gözləməyə ehtiyac qalmaz.

İmtahanın kompüterlə keçirilməsinin mənfi tərəfini görmürəm. Mənfi hal ancaq kənardan müdaxilə olanda baş verə bilər. Məsələn, tutaq ki, kimsə kompüterə daxil olur və orada müvafiq sualları cavablandırır. Amma Dövlət İmtahan Mərkəzinin təcrübəli mütəxəssisləri var və onlar belə halın baş verməsinə imkan verməzlər".

Şəbnəm Lətifi

Telegramda izləyin