Şüuraltınızda olan mənfi düşüncələri bu üsulla təmizləyə bilərsiniz – Sehirli toxunuşlar

Həyatın bütünü mənə rahatlıq, sevinc və möhtəşəmliklə gəlir şüarını əsas tutan "Access Consciousness"-"şüura keçid" proqramının geniş bir əhatə dairəsi və təsir gücü vardır. Həyatımıza fərqli qapılar açan özlüyündə( "bars seansı", müxtəlif "sistem", "vasitə və üsullara") sahib olan accessin hədəfi hər şeyin var olduğu və heç bir şeyin mühakimə olunmadığı birlik dünyası yaratmaq, məqsədi isə insanları bildiklərini bilmələri üçün gücləndirməkdir.

Ən rahat və möcüzələr gətirən üsullarından 1-i "Sual verməkdir". Sual verərək əslində xəbərdar olmadığımız fürsət, imkan və ehtimallara qapılar açmış oluruq. Mövcud vəziyyətin enerjisini dəyişdirən məhz sualla müraciətdir. "Bundan daha yaxşı necə ola bilər"?, "Həyatımı yaşamağa dəyərli qılan nəyi anlamalı, bilməliyəm?", "Nə olmalıyam"?, "Hansı istedadımı kəşf etsəm daha uğurlu və yaradıcı ola bilərəm?", "Bu arzumu reallaşdırmaq üçün hansı enerjidə, hansı bilincdə, hansı sahədə olmalıyam?" kimi fərqli mövzuda və tərzdə sual verərək yüzlərlə ehtimalları bizə gətirməsi adına kainata müracət edirik. Sualda qalıb, cavab axtarmağa keçməsək, o zaman "sehirli formula" işləməyə, kainat o sualın uyğun cavabını qarşımıza çıxarmağa ən yaxın zamanda başlamış olur. Bu cavablar bizə küçədə hərəkət halında, kimləsə hansısa mövzudakı söhbətin içində, birisinin əlindəki kitabın üz qabığında gələ bilər. Əsas olan sualı verib buraxdıqdan sonra baxdığımız hər nüansda diqqətli olmaq, mesajları, işarələri anlamaqdır.

"Beyin Detoxu" olaraq bilinən "Access Bars" seansı isə başda yerləşən 32 akupunktur nöqtələrinə zərif toxunuş edərək burdakı ( bədən, cinsəllik, şəfa, pul, zaman, əlaqələr, sevinc, kədər, güc,implant və s) mövzularda "şüuraltı ilə işləyən enerji proqramı" olub bu mövzularla bağlı bizim uşaqlıqdan sahib olduğumuz, başqalarından ötürülən,inandığımız lakin bizə xidmət etməyən inancları dəyişdirib, dönüşdürməyə xidmət edir. Neqativ enerji yükü, doluluq, bilmədən həyatımızın bu sahələrində yaratdığımız qəlibləri təmizləyərək kilidi açır, duyğu, düşüncə və hisslərimizi daha işlək vəziyyətə gətirir. Şüurlu qərarlar almağa daha çox meyilli oluruq. Bədəndə enerji axışı balansda olduğu üçün bizi keçmiş və gələcəyin üzüntü, qayğılarından uzaqlaşdırıb indiki ana fokuslanmağa kökləyir. Situasiyalara fərqli baxış bucağı və yanaşma tərzi formalaşır. Öz həyatımıza sanki kənardan baxaraq dəyərləndirmə potensialına sahib olub, həyatdan nə istədiyimiz və necə almalı olduğumuz barədə bizə fikirlər gəlir . Zehni səssizləşdirmək susmaq bilməyən düşüncələri səliqə səhmana salır. Bunları seans keçirilən şəxslərin dilindən və sahib olduğu enerji keyfiyyətindən də anlamaq mümkün olur. Bizi idarə edən şüuraltı və onun gücüdür. Onu özünə ram edən, enerjisini doğru şəkildə idarə edən kəs hər şeyi səviyyəli edir, həyatında ən gözəl günlərə yelkən açmış olur.

Günay Afsar

Telegramda izləyin