"Müstəqillik tarixində ilk dəfədir ki, bütün Azərbaycan ərazisində seçkilər təşkil olunacaq" -POLİTOLOQ

"Ərazi bütövlüyünün və suverənliyinin bu ilin sentyabrında baş tutması bu siyasi kampaniyanın vaxtından əvvəl baş tutmasının zərurətini yaratdı. Bu həm də Qarabağ bölgəsində yaşayan erməni vətəndaşlarının siyasi kampaniyada iştirakını təmin edəcək".

Bu sözləri politoloq Sədrəddin Soltan Sonxeber.az-a açıqlamasınDa deyib.

"Azərbaycanın bütün bölgələrində Prezident seçkiləri keçiriləcək. Bu milli müstəqillik tarixində ilk dəfədir ki, bütün Azərbaycan ərazisində seçkilər təşkil olunacaq. Seçkilərin özəlliyinin biri də bu seçkilərdə erməni sakinlərinin iştirakıdır. Azərbaycan beynəlxalq ictimaiyətə bütünlükdə ölkə ərazisinə nəzarət etdiyini və buna nail olduğunu bir daha sübut edəcək. Seçki həm də ictimai baxımdan əhəmiyyətlidir. Qarabağdan olan seçicilər ilk dəfə olaraq işğaldan azad edilmiş ərazilərdə səs verəcəklər".

Qeyd edək ki, 2024 -cü il fevralın 7-də növbədənkənar Prezident seçkiləri keçiriləcək.

Telegramda izləyin