Beş mərtəbəli binalar nə vaxt SÖKÜLƏCƏK? - CAVAB

Bakında son illər köhnə, istismar müddəti bitmiş, qəzalı binaların sökülməsi prosesi gündəmdədir.

Məsələ ilə bağlı hüquqşünas Əkrəm Həsənov Sonxeber.az-a açıqlama verib:

O bildirib ki, inkişaf etmiş ölkələrin qanunlarına görə, binanın altındakı torpaq, orada yaşayan mülkiyyətçilərə məxsusdur:

"Bildiyiniz kimi ötən ilin sonunda Nazirlər kabineti Bakının 2040-cı ilə qədər olan inkişaf planını təsdiq edib. İşlər bu plana uyğun da həyata keçiriləcək. Artıq tikinti normalarına görə SSRİ-nin vaxtından qalan iki, üç və doqquz mərtəbəli binalar istismar müddəti bitmək üzrədir. Amma bizim qanunvericiliyimizdə bu baxımından boşluqlar var.

İnkişaf etmiş ölkələrin qanunlarına görə, binanın altındakı torpaq, orada yaşayan mülkiyyətçilərə məxsusdur. Bu torpaq onların ümumi əmlaklarıdır. Bizdə isə bu qayda üçün hüquq normaları olsa da, birmənalı deyil. Pərakəndəlik var. Hətta Konstitusiya məhkəməsi də bildirmişdi ki, bu qanunda ardıcıllıq yoxdur.

Bizim qanunvericiliyə görə, bina sökülürsə, o binada yaşayan sakinlərin torpada haqqı yoxdur. Xarici ölkələrdə isə bina söküldüyühalda, sakinlər o ərazidə yenidən bina tikmək hüququna malikdir. Bizdə bu qanun yaradılsa belə, vətəndaşın o torpaqda yenidən bina tikməyə imkanı yoxdur. Bu qədər insanı evsiz qoymaq da düzgün deyil. Ona görə də istismarı yekunlaşmaq üzrə olan və təhlükəli vəziyyətə olan binaların sökülmə prosesi problemlidir. Ona görə də müəyyən dövlət proqramları və fondu yaradılmalıdır. Bu məsələni həll etmək lazımdır. Yaxın zamanda isə bu problem həllini tapmayacaq".

Telegramda izləyin