Sosial yardım və pensiya düzəltmək adı ilə vətəndaşdan külli miqdarda pul alan şəxsləri hansı cəza GÖZLƏYİR? -AÇIQLAMA

Xəbər verdiyimiz kimi, bir qrup qadını sosial yardım və pensiya düzəltmək adı altında aldadıblar. Paytaxt sakini Gülgəz Hüseynova 24 min manat deyərində aldadıldığını iddia edib. Bəs bu şəkildə dələduzluqla məşğul olan şəxslərə hansı cəza gözləyir?

Məsələ ilə bağlı hüquqşünas Ələsgər Məmmədli Sonxeber.az-a açıqlama verib.

Hüquqşünas bildirib ki, həmin şəxslər ən yüksək halda 8 ildən 12ilə qədər cəza tətbiq edilə bilər:

"Azərbaycan Respublikası Cinayət Məcəlləsinin 178-ci maddəsi dəladuzluq əməlinə görə, cinayət məsuliyyəti müəyyən edir. Şəxslərin etibarından sui-istifadə edib, onları aldadaraq, əmlakının mənimsənilməsi dələduzluqdur. Ona görə də həmin şəxslər prokurorluğa müraciət etməlidir. Əgər dələduzluq əməlində şübhəli bilinən şəxs və şəxslər müəyyən edilərsə, onlar hüquqi baxımdan cinayət məsuliyyətinə cəlb olunur. Azərbaycan Respublikası Cinayət Məcəlləsinin 178-ci maddəsi 3 bənddən ibarətdir. Ən yüksək halda 8 ildən12 ilə qədər cəza tətbiq edilə bilər.

Xüsusi ilə bu dələduzluq edən şəxslər hansısa formada dövlət səlahiyyətlərini mənimsəmə və ya bu istiqamətdə əməkdaşlıq edirlərsə bu sahə də mütləq şəkildə araşdırılmalıdır. Hansısa səlahiyyətli şəxslərlı bağı varsa, və ya səlahiyyətli şəxslər də bu məsələdə iştirak edirsə, onların da cəzalanması üçün də addımlar atılır. Bütün hallarda vətəndaş ilk növbədə hüquq mühafizə orqanları müraciət etməlidir".

Telegramda izləyin