Əri Cəbrayıldan olan, Yaponiyada yaşayan ukraynalı Polina hamını TƏƏCCÜBLƏNDİRİR - VİDEO

"Muğamı anlamaq mənim üçün çox çətin idi. 10 ildən çoxdur ki, muğam üzərində çalışıram və öyrənirəm. Muğam sanki okean qədər dərindir. Hələ ki, başlamışam. Bütün həyat muğamı başa düşmək üçün bəs etmir. Mən əvvəllər qəzəllər ilə bağlı dərslər alırdım. Muğam üçün qəzəlləri başa düşmək çox vacibdir. Məncə muğamın başlanğıcı qəzəldir.

Sonxeber.az xəbər verir ki, bu sözləri Polina Dessiatnitçenko Apa TV-yə açıqlamasında deyib. O, bildirib ki, tarda ifa etmək çox çətindir. Çünki bu işin xırdalıqları çoxdur. Onu isə hiss etmək lazımdır:

"Mənim bəxtim onda gətirdi ki, Azərbaycanın ən görkəmli muğam ustadlarından dərs almışam. Çox sevinirəm ki, belə imkanlarım var. Vamiq müəllim mənə tək muğamı yox, onu mənalarını öyrədir. Fərqli hekayələr danışır və tarixi haqqında məlumat verir".

Polina düşünür ki, muğam haqqında yazmaq üçün onu ilk növbədə ifa etmək lazımdır:

"Kitabxanalarda muğam haqqında materiallar var. Orada Sovet dövründən qalma şablon muğamlar var. Muğanda elə sözlər və cümlələr var ki, onlar kitabda öz əksini tapmayıb. Bunu ancaq dərslərə öyrənə bilərik. Bu baxımdan ifa etmək dərs prosesində çox vacibdir. Həm də müəllimlər ilə söhbət edən zaman çox suallarıma cavab tapdım. Mən Yaponiyada universitetdə təhsil alıram. Araşdırmalara davam edirəm. Amma informasiyaları əldə etmək üçün ifa mütləqdir".

Ətraflı videomaterialı təqdim edirik:

Telegramda izləyin