Abdin Fərzəliyev Masazırda boş torpaq saxlamadı- "Maklerlər" ev tikib satırlar

Abşeron rayonunun Masazır qəsəbəsi son beş ildə ən çox qanunsuz yaşayış evləri və obeyktləri tikilən ərazilərdən biridir.
Dövlət qurumlarının qanunsuz tikintiyə nəzarəti gücləndirməsindən sonra, qəsəbədə tikinti sahəsində azalma müşahidə olunmağa başladı.

Ancaq Abdin Fəzəliyev Abşeron icra başçısı təyin edildikdən sonra, adıçəkilən rayonda və Masazır qəsəbəsində qanunsuz tikinti işlərinin sayı çoxaldı.

Hazırda Masazır qəsəbəsində heç bir rəsmi icazə olmadan və müvafiq sənədləşmə işləri aparılmadan qanunsuz həyət evlərinin kütləvi tikintisi daha çox "göl" adlanan ərazidə aparılır.
Ərazidə Dövlət Şəhərsalma və Arxitektura Komitəsi ilə FHN-nin Tikintidə Təhlükəsizliyə Nəzarət Dövlət Agentliyinin heç bir icazəsi olmadan qanunsuz həyət evlərinin inşası Xəyal Məmmədov adlı makler "iş adamı" tərəfindən həyata keçirilir.
Hazırda 4 ailəlik apartman tikintisinə başlayan Xəyal Məmmədov və şərikləri həmdə ərazidəki yerləşən gölü zibil tullantıları ilə dolduqmaqla məşğuldur.

Məsələ ilə bağlı saytımıza verilən məlumatda bildirilir ki, Masazır qəsəbəsi "göl"adlanan ərazidə qanunsuz tikinti işləri Abşeron icra hakimiyyətinin "icazəsi" ilə həyata keçirilir.

Belə ki, torpaq sahələrinin sənədi olsada, həyata keçirilən tikintilərə görə Dövlət Şəhərsalma və Arxitektura Komitəsinin rəsmi icazəsi mövcud deyil.

Buna baxmayaraq Xəyal Məmmədov və şərikləri Abşeron icra hakimiyyəti ilə anlaşaraq, tikinti işlərini rahat şəkildə həyata keçirirlər.

Mövzuya qayıdacağıq. Qarşı tərəfin mövqeyini dərc etməyə hazırıq./Xalq.az

Telegramda izləyin