"Cənab prezident İlham Əliyevlə müstəqilliyimiz əbədi və zəfərlərimiz daimidir" - Emil Əkbərov

"Bu gün Ali Baş Komandan İlham Əliyevin rəhbərliyi ilə Müzəffər Azərbaycan Ordusunun Cəbrayıl rayonunun Xudafərin qəsəbəsini Ermənistanın işğalından azad etməsindən dörd il keçir".

Bunu Sonxeber.az-a danışan "BİG Media"MMC-nin direktoru Emil Əkbərov deyib.

Emil Əkbərov qeyd edib ki, bu gün qalib ölkənin nümayəndələri olaraq iki möhtəşəm bayramı bir yerdə qeyd edirik:

"Bilirsiniz ki, bu gün həm də Müstəqilliyin Bərpası Günüdür.1991-ci il oktyabrın 18-də "Azərbaycan Respublikasının dövlət müstəqilliyi haqqında" Konstitusiya Aktı qəbul olunub. Bu akta əsasən Azərbaycan xalqı öz müstəqilliyini bərpa etdi. Müstəqillik əldə etsək də o dövrdə olan daxili çəkişmələr və vəzifə uğrunda gedən savaş müstəqilliyimizin yenidən itirilməsi təhlükəsi yaratmışdı. Ulu öndər Heydər Əliyevin xalqın istəyi ilə Azərbaycana qayıtması bizi növbəti dəfə başqa bir dövlətin müstəmləkəsinə çevrilməkdən xilas etdi. Biz bugünkü müstəqilliyimizi ulu öndər Heydər Əliyevə borcluyuq".

Emil Əkbərov vurğulayıb ki, Heydər Əliyev siyasətini 21 il ərzində uğurla davam etdirən cənab prezident İlham Əliyev 4 il əvvəl ərazi bütövlüyümüzə nail olaraq Azərbaycan xalqına böyük zəfəri hədiyyə etdi. Cənab prezident İlham Əliyevin uğurlu daxili, xarici siyasəti və bütün sahələrdə eləcə də hərbi sahəsində apardığı islahatlar nəticəsində Azərbaycan xalqı 30 ilə yaxın həsrətində olduğu doğma yurdlarına geri qayıdır. Əminəm ki, Cənab prezident İlham Əliyevlə müstəqilliyimiz əbədi və zəfərlərimiz daimi olacaq.

Bu gün Azərbaycan tarixinə qızıl hərflərlə həkk olunan Vətən müharibəsinin 22-ci günü, Cəbrayıl rayonunun Xudafərin qəsəbəsinin 27 il sonra düşmən işğalından azad olunduğu gündür. Möhtəşəm zəfər münasibətilə bütün Azərbaycan xalqını, xüsusilə cəbrayıllıları təbrik edirəm".

Telegramda izləyin