Sevgilisindən qisas almaq üçün yeməyinə zəhər qatan qız 5 gəncin ölümünə səbəb oldu

Nigeriyanın Edo əyalətində gənc qadın sevgilisindən qisas almaq üçün hazırladığı zəhərli şorba ilə 5 gəncin ölümünə səbəb olub.

Sonxeber.az xarici mediaya istinadən xəbər verir ki, keçmiş sevgilisindən qisas almaq istəyən gənc qadın hazırladığı ədviyyatlı şorbaya zəhər qatıb və ona göndərib. Hadisədən xəbərsiz olan gənc şorbanı dostları ilə birlikdə yeyib. Şorbanı yeyən 4 oğlan və 1 qız həyatını itirib.

Gənclərin uzun müddət otaqlarından çıxmamasından şübhələnən ailə üzvləri onları otaqlarında hərəkətsiz halda tapıblar. Təcili tibbi yardımla xəstəxanaya çatdırılsalar da gənclərin heç birinin həyatını xilas etmək mümkün olmayıb.

Həyatını itirənlərdən ikisinin qardaş, digər üçünün isə dost olduğu bildirilib.

Hadisədən sonra şübhəli qadın Nigeriya polisi tərəfindən saxlanılıb. Polis məmuru Moses Yamu faktla bağlı araşdırmaların davam etdiyini bildirib.

Telegramda izləyin