Astiqmat xəstəliyi olan insanlar nələrə diqqət etməlidir? - AÇIQLAMA

"Astiqmat xəstəliyi olan insanların əsas narahatlığı ondan ibarətdir ki, onlar görürlər, ancaq, keyfiyyətli görə bilmirlər. Məsələn, şikayətləri, əsasən, bu istiqamətdə edirlər ki, axşam maşın sürdükdə işıqlar haçalanır, kitab oxuduqda həriflər ikiləşir və ya bir-birinə qarışır vəs. Belə şikayətlərlə müraciət edənlərə biz astiqmat eynəklər təyin edirik".

Bunu Sonxeber.az-a oftalmoloq cərrah Elvin Yadigarov danışıb.

O, açıqlamasında qeyd edib ki, astiqmat eynəklərə uyğunlaşmaq elə də asan deyil:

"Amma burada bir məqam da var, mən hər zaman xəstələrə də deyirəm ki, heç vaxt eynək taxmayan şəxs 25,30,40 yaşlarında birdən-birə astiqmat eynək taxmaq istəsə çətinlik yaşaya bilər. Çünki, ona uyğunlaşmaq elə də asan deyil. Bəzən, xəstələr bildiri ki, başgicəllənmə, ürəkbulanma, diskomfort hissi yaşaya bilirlər. Ümumiyyətlə, astiqmat eynəyə uyğunlaşa bilməyən insanlar məcbur olub əməliyyata müraciyyət edirlər".

Vüsalə İbrahimli

Telegramda izləyin