Adi baş ağrısının təhlükəli fəsadları AÇIQLANDI

Baş ağrısı müxtəlif xəstəliklərin əlaməti ola bilər və ən çox stress və fiziki yorğunluq keçirən insanlarda rast gəlinir.

Aparılan araşdırmalar göstərir ki, insanların əksəriyyəti baş ağrısına dözməyə vərdiş edib. Lakin mütəxəssislər xəbərdarlıq edirlər ki, baş ağrısını görməzdən gəlmək ciddi fəsadlara səbəb ola bilər.

Lent.az xarici mediaya istinadla baş ağrısının təhlükələri ilə bağlı bilmədiyiniz məlumatları təqdim edir:

Alimlər bildirirlər ki, baş ağrısı həmişə yalnız stress və ya yorğunluqla əlaqəli olmur. Bu, beyində infeksiya, iltihab və ya daxili qanaxma kimi ciddi problemlərin əlaməti ola bilər.

Aşağıdakı hallarda mütləq həkimə müraciət etmək lazımdır:

Baş ağrısı qəfil başlayıb və sürətlə güclənirsə

Baş ağrısı yüksək hərarət və boyun əzələlərinin gərginliyi ilə müşayiət olunursa

Baş ağrısı şüurun qarışması, huşunu itirmə və ya qıcolmalar yaradırsa

Başa zərbə aldıqdan sonra baş ağrısı meydana çıxıbsa

Niyə baş ağrısına dözmək olmaz?

Mütəxəssislər xəbərdarlıq edirlər ki, baş ağrısına vərdiş etmək və onu müalicə etməmək vəziyyəti daha da pisləşdirə bilər. Baş ağrısını görməzdən gəlmək aşağıdakı fəsadlara səbəb ola bilər:

Tez-tez baş ağrılarının yaranması – Ağrı epizodlarının sayı artır və getdikcə daha şiddətli olur.

Bədənin həssaslığının artması – Nevrologiya üzrə aparılan araşdırmalar göstərir ki, baş ağrısı zamanı beyin və onurğa beynində dəyişikliklər baş verir.

Bu dəyişikliklər nəticəsində bədən daha həssas olur və gələcəkdə daha zəif səbəblərlə belə baş ağrısı yarana bilər. Əgər baş ağrısı müalicə olunmazsa, bu, bədənin həddindən artıq həssaslaşmasına və müntəzəm baş ağrılarının yaranmasına səbəb ola bilər. Tez-tez başı ağrıyan insanlar daha əsəbi və aqressiv olurlar. Xroniki baş ağrıları depressiya və hətta intihar düşüncələrini artıra bilər.

Aparılan araşdırmalara görə, baş ağrıları uzun müddət davam etdikdə, insanların psixoloji vəziyyəti pisləşir və onlar daha gərgin və depressiv olurlar. Baş ağrısı insanın gündəlik həyatına ciddi təsir göstərir. İşdə və ya evdə diqqəti cəmləmə qabiliyyəti azalır. İstehsalçılıq və səmərəlilik aşağı düşür. Yaxınlarla münasibətlərdə problemlər yarana bilər Uzun müddət davam edən baş ağrıları xroniki miqrenin inkişafına səbəb ola bilər.

Xroniki miqren daha çətin müalicə olunur və hətta bəzi hallarda əlilliyə səbəb ola bilər. Baş ağrısını görməzdən gəlmək ciddi sağlamlıq problemlərinə səbəb ola bilər. Ona görə baş ağrısını effektiv şəkildə idarə etməyi öyrənmək lazımdır. Vaxtında həkimə müraciət etmək və müalicəyə başlamaq vacibdir. Müalicə olunmayan baş ağrısı gələcəkdə daha tez-tez və daha ağır şəkildə təkrarlana bilər.

Telegramda izləyin