Yüksək xolesterini azaltmaq üçün ən yaxşı meyvə

Yüksək xolesterin sağlamlıq üçün ciddi təhlükə yaradır. Uzun müddət heç bir əlamət göstərməyə bilər, lakin zamanla damar tıxanıqlığına səbəb olaraq ürək-damar xəstəlikləri riskini artırır. Buna görə də həkimlər qidalanmaya xüsusi diqqət yetirməyi tövsiyə edirlər.

Lent.az bunun hansı meyvə olduğunu təqdim edir:

Alma niyə xolesterini azaldır?

Harvard Health ekspertlərinin araşdırmalarına görə, alma həll olunan lifin, xüsusilə də pektinin ən zəngin mənbələrindən biridir. Pektin bağırsaqlarda xolesterinin sorulmasının qarşısını alır və onu qan dövranına keçmədən orqanizmdən xaric edir. Mayo Clinic araşdırmalarına görə, almadakı həll olunan liflər LDL ("pis" xolesterini) azaldaraq aterosklerozun qarşısını almağa kömək edir. Cleveland Clinic əlavə edir ki, alma qan təzyiqini tənzimləyir, qan şəkərinin səviyyəsini sabit saxlayır və bağırsaq mikroflorasını yaxşılaşdırır.

2019-cu il araşdırması və möhtəşəm nəticələr

"The American Journal of Clinical Nutrition" jurnalında yayımlanan 2019-cu il tədqiqatına əsasən:

8 həftə ərzində gündə 2 böyük alma yeyən insanların "pis" xolesterin səviyyəsi əhəmiyyətli dərəcədə azalmışdır. Buna səbəb almada olan polifenollar və antioksidantların ürək-damar sağlamlığını dəstəkləməsi və bədənin xərçəngdən qorunmasına kömək etməsidir.

Xolesterini azaltmaq üçün nə qədər alma yemək lazımdır?

Gündə 2 orta ölçülü alma yemək tövsiyə olunur. Daha yaxşı nəticə üçün alma qabığı ilə birlikdə yeyilməlidir, çünki lif və antioksidantların böyük hissəsi qabığında yerləşir.

Almanı salatlara, yulaf sıyığına və ya smuzilərə əlavə edərək qidalanmanı daha da zənginləşdirə bilərsiniz.

Alimlərin fikrincə, gündəlik alma istehlakı xolesterini 5-8 faiz azalda bilər, bu da ürək sağlamlığı üçün əhəmiyyətli bir göstəricidir. Ən əsası – alma təkcə sağlamlıq üçün faydalı deyil, həm də dadlı və əlçatan bir vasitədir!

Telegramda izləyin