Əncirin faydaları nədir? - Onu yemək kimlərə qəti qadağandır

Əncir təkcə ləzzətli meyvə deyil, həm də ümumi sağlamlığa müsbət təsir göstərir. O, orqanizm üçün bir çox faydalı maddələrin mənbəyi hesab olunur.

Lent.az bununla bağlı maraqlı məlumatları təqdim edir:

Əncirin faydaları

Faydalı maddələrlə zəngindir

Əncir yüksək miqdarda vitaminlər (A, C, K və B qrupu) və minerallar (kalium, kalsium, maqnezium, dəmir) ehtiva edir. Kalium qan təzyiqini azaltmağa kömək edir, kalsium isə sümüklərin sağlamlığını qoruyur.

Antioksidant xüsusiyyətlərə malikdir

Əncirin tərkibində flavonoidlər və polifenollar kimi antioksidantlar var. Onlar sərbəst radikallarla mübarizə apararaq xroniki xəstəliklərin, o cümlədən ürək-damar xəstəlikləri və xərçəng riskini azaldır.

Həzm sistemini yaxşılaşdırır

Tərkibindəki liflər və təbii fermentlər sayəsində əncir həzmi yaxşılaşdırır, köpməni azaldır və bağırsaq mikroflorasının balansını qoruyur.

Dərinin vəziyyətini yaxşılaşdırır

Əncirin iltihab əleyhinə təsiri var. O, sızanaq, ekzema və digər dəri problemlərinə kömək edə bilər. Antioksidantları dərini qocalmaya qarşı qoruyaraq sağlam görünüşünü saxlayır.

Ürək sağlamlığını dəstəkləyir

Əncirin tərkibində olan kalium və antioksidantlar xolesterin səviyyəsini aşağı salır və ürək-damar sistemini qoruyur. Ənciri təzə və ya qurudulmuş halda, həmçinin desertlərə, salatlara, şirniyyatlara əlavə edərək və ya müstəqil qəlyanaltı kimi istehlak etmək mümkündür.

Kalorisi və qidalanma dəyərləri

100 qram təzə əncir – 43 kalori, 1.3 qram protein, 0.3 qram yağ, 9.5 qram karbohidrat (əsasən fruktoza), 2 qram lif.

100 qram qurudulmuş əncir – 200 kalori, 3.3 qram protein, 1.5 qram yağ, 48.6 qram karbohidrat, 9.2 qram lif.

Kimlərə qadağandır?

Aşağıdakı hallarda əncirin qəbulu tövsiyə edilmir:

Şəkərli diabet xəstələri – yüksək şəkər tərkibinə görə.

Pankreatit xəstələri – həzm sisteminə əlavə yük yaratdığı üçün.

Kəskin iltihabi bağırsaq xəstəlikləri zamanı.

Sidik turşusunun mübadilə pozğunluğu olan şəxslər – məsələn, podaqra (gut) xəstələri.

Telegramda izləyin