Səhər yeyilən bu qidalar beyni palçıqlaşdırır

Tez hazırlandığı üçün səhər yeməyi zamanı üstünlük verilən qarğıdalı yarması sağlamlıq üçün çox zərərlidir.

Ölkə.Az xarici KİV-ə istindala xəbər verir ki, mütəxəssislərin araşdırmasına görə, səhərlər yarma yemək beyin sağlamlığına mənfi təsir göstərərək əhvalınızı korlaya bilər.

Psixiatr Daniel G. Amenin fikrincə, səhərlər yeyə biləcəyiniz bəzi qidalar sizi oluğunuzdan daha yorğun və depressiv hala sala bilər. O, insanların səhərlər üstünlük verdiyi və sağlamlığı təhdid edən qidaları aşağıdakı kimi sadalayıb:

Şəkərli səhər yarmaları
Şəkərli və duzlu xəmir yeməkləri
Zərərli yağla hazırlanmış səhər yeməkləri
Dadlandırılmış (şirinləşdirilmiş) içkilər
Təkrar emal edilmiş ət məhsulları
Emal edilmiş un məmulatları (süni rənglər,dadlandırıcı, müxtəlif kimyəvi əlavələrdən ibarət məhsul)
Yüksək glisemik indeksli qidalar

Doktor Amen bu qidaların qan şəkərini sürətlə yüksəltdiyini deyərək sözlərinə belə davam edib:
"Sonra mədəaltı vəziniz bunu hiss edir və 45 dəqiqədən sonra belə demək mümkünsə, beyniniz palçıqlaşır. Araşdırmalar göstəriri ki, bu qidalar depressiya riskini artırır".

Qeyd edək ki, bu araşdırma zamanı tədqiqatçılar heç bir psixi sağlamlıq pozğunluğu (depressiya daxil olmaqla) və ya narkotik asılılığı olmayan təxminən 70 min qadının məlumatlarını təhlil edib.

Telegramda izləyin