Gənc yaşda dolğu edənlərə XƏBƏRDARLIQ - 10 il sonra üz dərinizdə...

Dolğu inyeksiyaları qısa müddətdə üzə təzəlik və həcm qazandırsa da, 10, 20, hətta 30 il sonra üz dərinizdə hansı dəyişikliklərə səbəb ola bilər?

Milli.Az xəbər verir ki, ukraynalı dermatoloq və kosmetoloq Dariia Tishçenko bu barədə xəbərdarlıq edib.

Gənc yaşda dolğudan sui-istifadə nə ilə nəticələnə bilər?

Üzün deformasiyası:

Həkimin sözlərinə görə, həddindən artıq dolğu inyeksiyaları üz konturlarını dəyişir və təbii olmayan görünüş yaradır. Dolğular dəriyə dəstək verdiyindən zamanla dəri buna öyrəşə bilər və dolğu sorulduqdan sonra əvvəlki vəziyyətinə qayıtmaqda çətinlik çəkə bilər.

Həddindən artıq şişkinlik:

Çoxlu miqdarda dolğu üzdə şişkinlik yaradır və zaman keçdikcə bu hal alkoholdan sui-istifadə edən insanların sifətinə bənzəyən bir görünüşə səbəb ola bilər. Yaşlandıqca dəridəki elastikiyyət və nəmlik azalır, bu da bu şişkinliyi daha da nəzərəçarpacaq edir.

Dolğunun yer dəyişməsi (miqrasiyası):

Əgər dolğular keyfiyyətsiz məhsullardan istifadə edilməklə və ya yanlış şəkildə yeridilərsə, üzün müxtəlif hissələrinə hərəkət edə bilər. Bu isə şişkinliklər, bərabərsizlik və assimetriya ilə nəticələnə bilər və əlavə müalicə tələb edə bilər.

Psixoloji asılılıq:

Daim mükəmməlliyə can atmaq, insanın özünəinamına və psixoloji sağlamlığına mənfi təsir göstərə bilər. Mütəxəssislər dolğu inyeksiyalarını yalnız peşəkar həkimlərin nəzarəti ilə və məqsədli şəkildə etdirməyi tövsiyə edirlər.

Dolğu inyeksiyaları nə qədər tez-tez edilməlidir?

Həkim bildirir ki, dolğuların təkrarlanma tezliyi istifadə olunan məhsulun növü, inyeksiya edilən nahiyə və xəstənin fərdi xüsusiyyətlərindən asılıdır. Məsələn, hialuron turşusu əsaslı dolğular orqanizm tərəfindən parçalandığı üçün adətən 6-12 ayda bir təkrarlanır.

Çox qısa aralıqlarla edilən prosedurlar isə toxumaların yüklənməsinə və uzunmüddətli fəsadlara səbəb ola bilər. Bu səbəbdən təcrübəli həkimlə məsləhətləşmək və inyeksiyaların düzgün zamanlamasını müəyyənləşdirmək vacibdir.

Telegramda izləyin