Niyə ac yatmaq olmaz? - Cavab sizi TƏƏCCÜBLƏNDİRƏCƏK

Bəzi insanlar düşünür ki, yatmazdan əvvəl aclıq çəkmək arıqlamağa kömək edir.

Sonxeber.az Lent.az-a istinadla xəbər verir ki, amma əslində, gecə aclığı bir sıra sağlamlıq problemlərinə – yuxu pozğunluğundan tutmuş maddələr mübadiləsinin zəifləməsinə qədər – səbəb ola bilər.

Niyə ac yatmaq olmaz?

Mütəxəssisin sözlərinə görə, əgər yatmazdan əvvəl aclıq hiss edirsinizsə, bu, gün ərzində çox yorulduğunuzun və bədəninizin bərpa üçün lazım olan qida maddələrini kifayət qədər almadığınızın göstəricisi ola bilər.

Aclığı görməzlikdən gəlib yatmaq – düzgün strategiya deyil. Çünki yuxu zamanı orqanizmin özünü bərpa etməsi üçün kifayət qədər zülal, yağ, karbohidrat, vitamin və mineral maddələrə ehtiyacı var.

Ona görə də rasionunuza diqqət etmək çox vacibdir. Əgər "yatmazdan əvvəlki aclıq" sadəcə bir dəfəlik haldırsa – gedin və bir şey yeyin. Ən yaxşısı, tam bir yemək yeməkdir (zülal, yağ, karbohidrat balansı ilə). Əgər buna imkan yoxdursa – heç olmasa mürəkkəb karbohidratlar və tərəvəzlər yeyin. Əgər aclıq hissi çox güclü deyilsə və gün ərzində normal qidalandığınızı bilirsinizsə – bir banan və ya manqo da kifayət edə bilər.

Alma və ya armud – yaxşı seçim deyil, çünki bu meyvələr sizi çox güman ki, doydurmayacaq və siz yenə də aclıq hissi ilə yata bilməyəcəksiniz.

Aclığın yuxuya təsiri

Aclıq hissi yuxuya getməyə mane ola və ya gecə yarısı oyatmağa səbəb ola bilər. Bədən enerji çatışmazlığı hiss etdikdə kortizol (stress hormonu) səviyyəsini artırır ki, bu da yuxunun keyfiyyətini pisləşdirir.

Üstəlik, əgər orqanizm gecə saatlarında mütəmadi olaraq lazımi qida maddələrini almasa, bu, maddələr mübadiləsinə mənfi təsir göstərə bilər – yəni bədən enerjiyə qənaət etməyə başlayır və yağ yandırma prosesi yavaşlayır. Hətta yuxu zamanı bədən zülal çatışmazlığı səbəbindən enerji üçün əzələ toxumasını parçalamağa başlaya bilər.

Telegramda izləyin