Qonşuların səsi ürək tutmasına səbəb ola bilər: ARAŞDIRMA

Aktual tədqiqatlar göstərib ki, ürək sağlamlığı bir ərazidəki səs-küy səviyyələrindən təsirlənir.

Təmir işləri, avtomobil siqnalları, izdihamın səsi - bütün bunlar şəhər sakinləri üçün xroniki stress mənbəyi ola bilər və stressin ürək-damar xəstəliklərinin inkişafı üçün fundamental risk faktoru olduğu bilinir.

Lent.az xarici mediaya istinadən bildirir ki, son araşdırmaya görə, 50 yaşdan aşağı insanlar səs-küylü bir ərazidə yaşayırlarsa, infarkt keçirmə ehtimalı daha yüksəkdir.

Səs-küylü məhəllələrin ürək-damar sağlamlığına təsirini müəyyən etmək üçün aparılan araşdırmanın bir hissəsi olaraq, Almaniyanın Bremen şəhərindən olan həkimlər, miokard infarktı keçirmiş 50 yaş və daha kiçik 430 nəfərin məhəlləsindəki səs-küy səviyyəsini qiymətləndiriblər. Ürək-damar risk faktorları aşağı səviyyədə olan insanların səs-küylü bir ərazidə yaşadıqları təqdirdə infarktla xəstəxanaya yerləşdirilmə ehtimalının daha yüksək olduğunu müəyyən edib.

Əvvəllər elm adamları sübut ediblər ki, bir insan "məşğul" bir ərazidə yaşayırsa, miokard infarktından sonra sağalma proqnozu daha pisdir. Belə çıxır ki, ömrün uzunluğu və vaxtından əvvəl ölüm riski birbaşa qonşularınızdan asılıdır. Bu zaman sükut saatlarını xatırlamaq və sükutu dinləmək üçün vaxtaşırı təbiətə çıxmaq tövsiyə edilir.

Telegramda izləyin