Quzu və qoyun ətinin fərqləri - Hansı daha faydalıdır?

Ət xüsusilə zülal mənbəyi kimi çox vacib qida mənbəyidir. Yeməklərdə çox istifadə edilən quzu və qoyun əti yeməyə ləzzət qatmaqla yanaşı həm də sağlamlığa faydalıdır.

Ölkə.Az xarici KİV-ə istinadla xəbər verir ki, "quzu, yoxsa qoyun əti daha faydalıdır?" sualına cavab vermək üçün əvvəlcə ikisinin də fərqini bilmək lazımdır.

Odur ki, quzu və qoyun ətinin fərqini təqdim edirik:

Quzu hələ 1 yaşı tamam olmamış qoyunun balasıdır. Əti bərk olur. Rəngi çəhrayıdır və tez bişir. Yaşlandıqca bişirmə vaxtı da eyni sürətlə artır. Quzu əti mal və qoyun ətindən daha yağlıdır. Tərkibindəki yağın yarısı insan sağlamlığı üçün faydalı olan doymamış yağ turşularından ibarətdir.

Quzu əti bədənimizdə böyümə və inkişaf üçün lazım olan bütün 9 əsas amin turşusunu təmin edən yüksək keyfiyyətli protein mənbəyidir. Yüksək keyfiyyətli zülal xüsusilə yaşlı insanlarda əzələ kütləsini saxlamaq üçün çox vacibdir. Qeyri-kafi protein qəbulu yaşa bağlı əzələ itkisini sürətləndirə və pisləşdirə bilər.

Qoyun əti yaşı bir yaşdan yuxarı olan qoyunlardan alınır. Quzu ilə qoyun ətinin fərqi təkcə yaş fərqində deyil, dad baxımından da müəyyən fərqlər var. Qoyun əti quzu ətindən daha sərtdir və qoyun yaşlandıqca bişirmə vaxtı artır. İnsan sağlamlığına faydası, həm də yumşaqlığına görə quzu ətinə üstünlük vermənin daha sağlam olduğunu söyləyə bilərik.

Aprel-may ayları quzu ətinin ən dadlı olduğu vaxtlardır.

Əzələləri gücləndirmək və yorğunluğu azaltmaq üçün əhəmiyyətli bir fürsət təmin edir. Günü daha enerjili keçirmək, immunitet sistemini gücləndirmək və xarici zərərlərdən qorunmaq üçün balanslı yemək lazımdır.

Qoyun əti alınarkən ümumiyyətlə dişi qoyunlara üstünlük verilir, çünki qoçların əti daha sərt və dadsızdır. Qoyun əti kifayət qədər dadlı olsa da, qoxusuna görə əksər insanlar tərəfindən sevilmir. Çünki quzu yaşlandıqca onun ətinin xüsusiyyətləri və qida dəyəri dəyişir.

Telegramda izləyin