Ömrünüzü uzatmaq istəyirsiniz? - Bunları edin!

"Bəzi vərdişlərin dəyişdirilməsi uzunömürlülüyə artıra bilər".

Ölkə.az "lenta.ru"yaistinadla xəbər verir ki. bu barədə rusiyalı kardioloq Mariya Çaykovskaya danışıb.

O, ürək sağlamlığını möhkəmləndirən və 100 yaşa qədər yaşamağa kömək edən vərdişləri sadalayıb.

Həkimin sözlərinə görə, uzunömürlülüyə təbii fiziki aktivlik töhfə verir. "Uzunömürlülər nadir hallarda idman zalına gedirlər. Onların hərəkəti gündəlik həyatın bir hissəsidir: gəzinti, bağda iş, ev işləri".

O əlavə edib ki, müxtəlif bitki tərkibli qidalar, tam dənli məhsullar – tərəvəz, meyvə, paxlalılar, qoz-fındıq, həmçinin onların ölçülü şəkildə istehlakı ürəyi möhkəmləndirir. Belə qidalar lif və antioksidantlarla zəngindir, xolesterin səviyyəsini aşağı salır, iltihabın qarşısını alır və damarları zədələrdən qoruyur.

Həkim sözlərinə davam edərək, uzun və xoşbəxt ömür üçün psixi sağlamlıq və sosial əlaqələrin də az əhəmiyyət daşımadığını vurğulayıb. Onun sözlərinə görə, uzunömürlülər tez-tez ailə və dostlarının əhatəsində olurlar: "Xroniki stres və azhərəkətli həyat tərzi ürəyə təhlükəli yük yaradır, halbuki təbii aktivlik, düzgün qidalanma və sosial fəallıq onun uzun və sağlam işləməsini təmin edir".

Telegramda izləyin