Saçdan hazırlanan diş pastası kariesi surətlə sağaldırmış

Britaniya alimləri müəyyən ediblər ki, saçdan hazırlanan diş pastası zədələnmiş dişləri bərpa edə və çürüklərin qarşısını ala bilər.

Ölkə.az xəbər verir ki, bu barədə Daily Mail yazıb.

Qeyd edilib ki, London Kral Kollecinin tədqiqatçıları insan saçından və ya yundan əldə edilən keratinin zədələnmiş diş minasını ənənəvi flüorlu məhsullardan daha effektiv şəkildə bərpa edə biləcəyini müəyyən ediblər. Yeni texnologiya kariyesin ilkin mərhələlərini tamamilə dayandıra və dişlərin həssaslığını azalda bilər.

Yeni araşdırmanın müəlliflərinin fikrincə, keratin diş pastasına qatıla və ya dırnaq lakı kimi dişlərə çəkilən xüsusi gel kimi istifadə edilə bilər. Əgər kommersiya məsələlərini nəzərə alsaq, o zaman məhsul iki-üç ildən sonra bazara çıxa bilər.

Tədqiqatın əsas müəllifi Dr. Şerif Elşarkavi keratinin minanın quruluşunu təqlid edən sıx bir mineral təbəqə meydana gətirdiyini izah edib. O, tüpürcəkdəki minerallarla qarşılıqlı əlaqədə olan kristala bənzər bir çərçivə meydana gətirərək, tədricən kalsium və fosfor toplayır, dişi gücləndirir və açıq sinir kanallarını möhürləyir.

Telegramda izləyin