Uşağa şirniyyatı tam qadağan etmək olmaz - Diyetoloq açıqladı

Uşağın rasionundan tamamilə şirniyyatları çıxarmaq düzgün deyil.

Sonxeber.az xəbər verir ki, bunu rusiyalı diyetoloq, RОSBİOTEХ Universitetinin dietologiya kafedrasının dosenti Anastasiya Lebedeva açıqlamasında bildirib.

"Uşaqların enerjiyə olan tələbatını ödəmək üçün karbohidratlar vacibdir və bu karbohidratların mənbələri yalnız çörək və taxıllar deyil, həm də şirniyyat, meyvə və tərəvəzdir".

Lebedevanın sözlərinə görə karbohidratlar xüsusilə hərəkətli və fiziki fəallığı yüksək olan uşaqlar üçün vacibdir, çünki əzələlərin fəaliyyəti böyük enerji sərfiyyatı tələb edir. Meyvə, tərəvəz, meyvə-tərəvəz şirələri karbohidratlarla yanaşı, vitaminlər, mikroelementlər, pektin, lif və digər faydalı maddələr ehtiva edir, həzm sistemini yaxşılaşdırır və qəbizliyin qarşısını alır.

Uşağın qida davranışının ailədə formalaşdığını vurğulayan ekspert məsləhət görür ki, uşağı şirniyyata alışdırmaq lazım deyil.

Lebedeva bildirir ki, ibtidai məktəb yaşlı uşaqlar üçün gündəlik 10-15 qram şirniyyat kifayətdir, bu təxminən iki şokolad, peçenye və ya marmeladdır. Zefir və pastila isə daha şirindir, buna görə gündə bir ədəd kifayətdir. Həmçinin, şirniyyat ancaq yeməkdən sonra verilməlidir.

Qısaca desək, uşağın sağlam rasionunda şirniyyatlara yer olmalıdır, lakin miqdarına və zamanına diqqət yetirmək vacibdir.(milli.az)

Telegramda izləyin