Faydalı bilib yeyirdik, ən zərərli çərəz imiş...

Qoz-fındıq sağlam qidalanmanın ayrılmaz hissəsi kimi tez-tez tövsiyə olunur. Tərkibindəki maqnezium, kalium, E vitamini və sağlam yağlar sayəsində ürək-damar sağlamlığını dəstəkləyir, enerji verir və uzun müddət toxluq hissi yaradır.

Milli.Az xəbər verir ki, lakin mütəxəssislər xəbərdarlıq edir ki, bəzi növlər həddindən artıq istehlak edildikdə xeyirdən çox zərər verə bilər. Xüsusilə anakardiya və Braziliya qoz-fındıqları yüksək kalorili və yağ tərkibli olduğu üçün çəki artımı, yüksək xolesterol və ürək-damar problemlərinə səbəb ola bilər.

Bu qoz-fındıqların yüksək oksalat tərkibi böyrək daşı riski olanlar üçün ciddi təhlükə yaradır. Böyrək daşı xəstəliyi olanların bu növlərdən uzaq durması tövsiyə olunur.

Braziliya qozunun yüksək selenium tərkibi immuniteti gücləndirsə də, həddindən artıq istehlak saç tökülməsi, dırnaqların kövrək olması, sinir sistemi problemləri və ürəkbulanma kimi zərərlərə yol aça bilər.

Qidalanma və pəhriz mütəxəssisi Dr. Ayşe Dəmir bildirir: "Anakardiya və Braziliya qoz-fındıqları gündə bir ovucdan çox olmamalıdır. Böyrək daşları olanlar üçün bu növlərdən qaçmaq vacibdir" .

Harvard Universitetinin professoru Dr. Valter C. Willett də porsiyaya nəzarətin önəmini vurğulayır:

"Fındıq, badam və qoz kimi qoz-fındıqlar sağlam yağlar təqdim edir, lakin anakardiya və Braziliya qozunun həddindən artıq istehlakı artıq kalori və mineral balanssızlığa səbəb ola bilər" .

Telegramda izləyin