Oturaq iş ağır fiziki əməkdən də təhlükəlidir - Həkim xəbərdarlıq ETDİ

"Oturaq iş ağır fiziki əməyin özündən daha təhlükəlidir".

Ölkə.az "lenta.ru"ya istinadla xəbər verir ki, bu barədə travmatoloq-ortoped Pavel Semıçenkov danışıb.

Onun sözlərinə görə, çünki "ofis" işçilərində 40 yaşa çatdıqda bud oynaqlarında degenerativ dəyişikliklər – koksartroz meydana gəlir. Mütəxəssis vurğulayıb ki, hər bir oynağa aktivlik lazımdır:

"Oturaq həyat tərzi nəticəsində pelvis ətrafındakı əzələlər tədricən tam hərəkətdən çıxır və atrofiyaya uğrayır. Oturaq vəziyyət bel nahiyəsi və bud oynağı üçün ən əlverişsiz vəziyyətdir".

Həkim az hərəkətli işlə məşğul olanları müntəzəm idman fasilələri etməyə, həmçinin oturaq vəziyyəti dik vəziyyətlə dəyişdirməyə çağırıb. Onun sözlərinə görə, bu, bel, bud oynaqları üçün yükü azaldacaq və əzələ gərginliyini aradan qaldırmağa kömək edəcək.

Telegramda izləyin