Baytarlıq apteklərində satılan "Kreolin" xərçəngi sağaldır? - VİDEO

Son dönəmlərdə xərçəng xəstələrinin internetdə ən çox axtarış etdiyi, almağa cəhd göstərdiyi, hətta bəzilərinin alıb qəbul etdiyi, baytarlıq apteklərində satılan bir preparat var.

Söhbət mal-qaranın bir-birə əleyhinə dezinfeksiya edilməsində istifadə edilən, qiyməti 3 manat olan "Kreolin" adlı preparatdan gedir. Bəzi onkoloji xəstələr heç bir elmi sübutu olmadan, ordan-burdan eşidərək bu məhlulu alıb istifadə edirlər.

Baytarlıq apteklərində apardığımız sorğu da bunu təsdiq etdi.

Satıcılar deyir ki, "Kreolin"dən əlavə onkoloji xəstələrin aldığı heyvandarlıqda istifadə olunan "Fraksiya2" adlı preparat da var. O, da mal-qaranın daxili xəstəlikləri üçün istifadə olunan, ağır qoxulu kimyəvi vasitədir.

Məsələ ilə bağlı mütəxəssis rəyini öyrənmək üçün tibbi onkologiya uzmanı Elvin Çələbiyevə müraciət etdik. Həkim bildirdi ki, sözügedən preparatın onkoloji xəstəliklərin müalicəsində effektiv olduğuna dair heç bir elmi sübut yoxdur, əksinə bu dərman istifadə edən xəstələrdə ciddi fəsadlar törədir.

Sonxeber.az Xəzər TV-yə istinadən daha ətraflı videomaterialı təqdim edir.

Telegramda izləyin