Diş ağrısına görə içdiyi ağrıkəsicidən sonra öldü

Türkiyənin Kahramanmaraş vilayətində 42 yaşlı Hayri Kul diş ağrısını azaltmaq üçün qəbul etdiyi ağrıkəsicidən sonra vəfat edib.

Milli.Az xəbər verir ki, məlumata görə Hayri Kul şiddətli diş ağrısı səbəbilə evdə dərman qəbul edib. Dərmanı qəbul etdikdən qısa müddət sonra onun halı qəfil pisləşib və huşunu itirib. Yaxınları dərhal təcili tibbi yardım çağırıb.

Hadisə yerinə gələn həkimlər 42 yaşlı kişinin ürəyinin dayandığını müəyyən ediblər. Görülən tədbirlərə baxmayaraq, onun həyatını xilas etmək mümkün olmayıb.

Mərhumun meyiti ölüm səbəbinin dəqiq müəyyənləşdirilməsi üçün məhkəmə-tibbi ekspertizaya göndərilib.

Faktla bağlı araşdırma davam etdirilir.

Telegramda izləyin