Səssiz iflas: Hər 2 nəfərdən birinə təsir edir - Yorğunluq, dəri problemləri, çəki artımı

İşlənmiş qidalar və şüursuz əlavələrin istifadəsi qaraciyərin təbii detoks qabiliyyətini zorlayaraq, səssizcə yağlanmasına səbəb olur. Bu vəziyyət yalnız çəki problemi deyil, eyni zamanda xroniki xəstəliklərin qapısını açan ciddi bir sağlamlıq böhranına çevrilib. Bədənin verdiyi yorğunluq, dəri dəyişiklikləri və metabolik siqnalları yüngül hesab etməyin; qaraciyərinizi qorumaq sizin əlinizdədir.

Qaynarinfo xəbər verir ki, işlənmiş qidalar və şüursuz əlavələrin - dərmanların istifadəsi qaraciyərin təbii detoks qabiliyyətini zorlayaraq qaraciyər yağlanmasına səbəb ola bilər.

Müasir sürətli həyat tərzində, "praktik" görünən qidalanma vərdişləri və təsadüfi istifadə edilən əlavələr-dərmanlar, bədənin ən böyük laboratoriyası olan qaraciyəri səssiz bir iflasın ətəyinə sürükləyir.

Cəmiyyətdə tez-tez rast gəlinən qaraciyər yağlanması artıq yalnız "çəki problemi" deyil, xroniki xəstəliklərə dəvət çıxaran ciddi bir ictimai sağlamlıq böhranına çevrilib. Müasir elmi məlumatlar göstərir ki, Azərbaycanda hər iki insandan biri qaraciyər yağlanması problemi ilə üzləşir.

Qaraciyər səssiz ağlayır

İnteqrativ Tibb və Fizioterapiya mütəxəssisi Dr. Mehmet Portakal mövzu ilə bağlı bildirib ki, qaraciyər sağlamlığı yalnız həzm sistemi ilə deyil, bütün bədən mexanizmi ilə birbaşa bağlıdır. Qaraciyəri "bədənin enerji mərkəzi və təmizlikçi işçisi" kimi təsvir edən Dr. Portakal belə deyir:

"Qaraciyər, bərpa qabiliyyəti ən yüksək orqanımızdır, lakin bu qabiliyyət limitsiz deyil. Yanlış qidalanma (xüsusilə yüksək fruktozlu qarğıdalı şərbəti və trans yağlar) və ‘təbii’ hesab edilərək nəzarətsiz istifadə edilən bitki qarışıqları, dərman və əlavələr qaraciyər hüceyrələrində yağ yığılmasına (steatoz) səbəb olur. İnteqrativ tibb perspektivindən baxdıqda, qaraciyərdəki bu yük yalnız qaraciyəri deyil, xroniki yorğunluqdan oynaqlarda ağrılara, dəri problemlərindən immunitet zəifliyinə qədər bütün sistemi təsir edə bilər".

Xəstəliyin 4 kritik dərəcəsi

Dr. Mehmet Portakal xəstəliyin irəliləməsini və bədəndə yaratdığı ziyanı 4 mərhələdə təsnif edir:

* 1-ci dərəcə (Sadə yağlanma): Qaraciyər hüceyrələrində az miqdarda yağ yığılır. Adətən simptom vermir, həyat tərzi dəyişiklikləri ilə tamamilə geri dönə bilər.

* 2-ci dərəcə (Alkoqolsuz steatohepatit - NASH): Yağlanmaya iltihab qoşulur. Qaraciyər toxuması zədələnməyə başlayır.

* 3-cü dərəcə (Fibrozis): Davamlı iltihab səbəbindən qaraciyərdə sərtləşmə və çapıq toxuması əmələ gəlir. Funksiya itkiləri nəzərə çarpır.

4. 4-cü dərəcə (Siroz): Qaraciyər toxumasının böyük hissəsi çapıq toxumasına çevrilib. Bu mərhələ geri dönüşü çətin, həyati risk daşıyan son mərhələdir.

Bədənin verdiyi siqnalları yüngül saymayın!

Qaraciyər yağlanmasının adətən "səssiz" irəlilədiyini bildirən Dr. Portakal, diqqət yetirilməsi lazım olan simptomları belə sıralayır:

* Keçməyən yorğunluq və halsızlıq: Səhərlər yataqdan qalxmaqda çətinlik və xroniki enerji düşüklüyü.

* Sağ üst qarın bölgəsində dolğunluq: Qaraciyərin böyüməsinə bağlı olaraq sağ qabırğa altında hiss edilən küt ağrı və ya təzyiq.

* Dəri dəyişiklikləri: Dəridə qaşınma, sızanaq, göz ağlarında azacıq saralma və ya ovuc içlərində qızartı.

* Metabolik problemlər: Sürətli çəki artımı, qarın bölgəsində yağlanma və insulin müqaviməti.

Qaraciyərinizi qorumaq sizin əlinizdədir!

Dr. Mehmet Portakal bildirir ki, qaraciyər yağlanmasının qarşısı alınabilir; fərdi qidalanma planları, düzgün planlaşdırılmış fiziki aktivlik və həkim nəzarətində tətbiq olunan bütüncül detoks metodları ilə qaraciyər sağlamlığı qoruna bilər:

"Şüursuz istifadə edilən hər bir dərman və hər yanlış qida, qaraciyəriniz üçün əlavə yükdür. Qaraciyəriniz sağlamlığını bərpa etdikdə, enerjiniz və həyat keyfiyyətiniz artacaq".

Qaraciyəri dəstəkləyən təbiət yolu

Dr. Mehmet Portakal qeyd edir ki, qaraciyəri qorumaq üçün yalnız zərərli qidalardan qaçmaq kifayət deyil, onu dəstəkləmək lazımdır. Phase I və Phase II detoksifikasiya yollarını dəstəkləmək üçün enginar, dəvə dikəni və zərdəçal kimi bitki dəstəkləri, həmçinin evdə hazırlanan xüsusi qarışıq tövsiyə edir.

Tərkibi:

* 1 ədəd orta boy qırmızı çuğundur (kiçik doğranmış)
* 1 ədəd yerkökü (kiçik doğranmış)
* Bir ovuc təzə cəfəri
* 1 ədəd limonun suyu
* 1 çay qaşığı toz zəncəfil
* 1 stəkan içməli su
* 1 çay qaşığı bal (istəyə bağlı)

Hazırlanması:

* Bütün tərkibləri (çuğundur, yerkökü, cəfəri, limon suyu, zəncəfil və bal) blenderə qoyun.
* Üzərinə stəkan su əlavə edin.
* Hamar bir konsistensiya əldə edilənə qədər qarışdırın.
* İstəyə bağlı olaraq bir çay qaşığı təbii bal əlavə edin.

İstifadə qaydası: Bu qarışığı səhərlər aç qarına və ya gün ərzində enerji lazım olduqda təzə olaraq içmək tövsiyə olunur. 3-4 gün davamlı istifadədə qaraciyərin yüngülləşdiyini və dərinizin parladığını hiss edəcəksiniz.

Telegramda izləyin