Bu maddə ömrü qısaldır

Alimlər ömrü qısaldan maddə aşkar ediblər.

Lent.az xarici mətbuata istinadən xəbər verir ki, alimlərin fikrincə, siqaret sağlamlıq üçün ən zərərli vərdişlərdən biri hesab olunur. Bu, təkcə ağciyər xərçənginə səbəb olmur, həm də ürək-damar xəstəliklərinin və insultların inkişafına kömək edir. Lakin alimlər müəyyən ediblər ki, qida rasionunda bir maddənin olmaması siqaretdən daha təhlükəli ola bilər.

Tədqiqatlar göstərib ki, omeqa-3 yağ turşularının çatışmazlığı siqaretin vurduğu zərərdən daha çox ömrünü azalda bilər. Alimlər müəyyən ediblər ki, siqaret çəkmək ömrü orta hesabla dörd il, omeqa-3 çatışmazlığını isə beş il qısaldır. Bu yağ turşuları qızılbalıq və skumbriya kimi qidalarda olur.

Tədqiqat ürək-damar xəstəlikləri üçün risk faktorları ilə bağlı dünyada ən böyük tədqiqatlardan biri olan çoxillik Framingham Heart Study (FHS) məlumatlarına əsaslanıb. Tədqiqatçılar yaş, cins, siqaret, qan təzyiqi və diabet daxil olmaqla səkkiz standart risk göstəricisindən istifadə ediblər. Təhlil göstərib ki, qandakı omeqa-3 səviyyələri ümumi risk faktorları qədər effektiv şəkildə ölüm riskini proqnozlaşdırır.

Tədqiqatın həmmüəllifi Dr. Bill Harris qeyd edib ki, omeqa-3 səviyyələrini ölçmək xolesterol və qan təzyiqini yoxlamaq qədər mənalı ola bilər. Omeqa-3 indeksi mühüm risk faktoru kimi tanınmalı və sağlamlığın pisləşməsinin qarşısını almaq üçün istifadə edilməlidir.

Bundan əlavə, 2500 iştirakçının 2018-ci il hesabatında omeqa-3 səviyyəsi yüksək olan insanların ölüm riskinin 33% daha az olduğu müəyyən edilib.

Omeqa-3 yağ turşularının əsas mənbələri bunlardır:

Yağlı dəniz balıqları (somon, skumbriya, tuna, siyənək, sardina);
Fındıq və toxum (kətan toxumu, çia toxumu, qoz);
Bitki yağları (kətan, soya, kolza yağı).

Telegramda izləyin