Öldüyünü hiss edən qızın anasına son zəngi eşidənləri göz yaşına boğdu

Rusiyada 19 yaşlı Olqa Moskalyova ayılar tərəfindən yeyilib.

Sonxeber.az xarici mediaya istinadən xəbər verir ki, çarəsiz qalan ana qızının qışqırdığını eşidib: "Ana, ayı məni yeyir! Ana, çox ağrıyır. Ana, mənə kömək et!"

Ayılar onun boynunu sındırıb, başını parçalayıblar.

Hadisə Rusiyanın Termalnıy kəndi yaxınlığında İqorun çayının kənarında baş verib. Çayın kənarında ayıları görən Olqa qaçmağa çalışsa da, ana ayı onu tutub və ayağından yapışıb.

Bu zaman Olqa bir neçə dəfə anasına zəng vura bilib. Əvvəlcə qızının zarafat etdiyini zənn edən Tatyana vəziyyətin ciddiliyini anlayanda şoka düşüb və qızını xilas etməkdə tamamilə aciz qalıb.

Olqa ilk zəngdən təxminən bir saat sonra son zəngində həyatını itirdiyini hiss edərək deyib: "Ana, daha ağrıtmır. Mən ağrı hiss etmirəm. Məni hər şeyə görə bağışla, səni sevirəm"

Sonra telefon zəngi kəsilib və Tatyana qızından bir daha xəbər tutmayıb. Hadisə yerinə gələn təcili tibbi yardım əməkdaşları ayıların hələ də Olqanın meyitini yediyini görüblər.

Tatyana qızı haqqında: "Qızım çox əyləncəli idi. O, çox şən, mehriban və istiqanlı idi. Bu il musiqi məktəbini bitirib və hadisədən bir neçə gün əvvəl sürücülük vəsiqəsini almışdı".

Telegramda izləyin