İki dəfə xərçəngə qalib gəlmişdi, amma qəzadan xilas ola bilmədi

"Naked And Afraid" verilişinin ulduzu 34 yaşlı Sara Danser Havayda avtomobil qəzası nəticəsində dünyasını dəyişib.

Sonxeber.az xarici mediaya istinadən xəbər verir ki, Danser Havay adalarının Kahala şəhərində qəzaya uğrayıb. Honolulu polisinin məlumatına görə, 59 yaşlı sürücü idarəetməni itirərək dayanmış avtomobilə çırpılıb.

Avtomobildə sərnişin olan Sara ağır vəziyyətdə xəstəxanaya aparılıb. O, atası Dan və qardaşı Ceyk xəstəxanaya gəldikdən sonra həmin gün həyatını itirib.

Ailəsinin dediyinə görə, Sara bu qəzadan əvvəl iki dəfə döş xərçənginə qalib gəlib.

Polis qəzanı törədən sürücünün narkotik və spirtli içkilərin təsirində olmadığını açıqlayıb. Qəzaya səbəb sürətin çox olduğu ehtimal edilir.

Faktla bağlı istintaq davam edir.

Telegramda izləyin