"İcra məmuru özbaşına şəkildə mənim haqqımda həbs qərarı çıxarıb" - ŞİKAYƏT

Xətai rayon İcra şöbəsində vətəndaşa qarşı qanunsuzluq törədilib.

Bu barədə vətəndaş Xəyalə Aslanova Sonxeber.az -a məlumat verib:

"Adım Xəyalə Aslanovadır. Mənim Kapital Banka 700 manat civarında borcum var. Bank məni məhkəməyə verib. Lakin, məhkəmə qərarı olmadan icra məmuru Elşən Bəşirli Salman oğlu məni Xətai rayon İcra şöbəsinə çağıraraq kameraların altında hədə-qorxu gəlib. O mənə: "Səni 4000 manat cərimələyəcəm. Bir aylıq həbs edəcəm. Bu dəqiqə pulu gətir" dedi və məndən borcum 700 manat olduğu halda 800 manat pul tələb etdi. Mənlə kobud şəkildə rəftar etdi, hədə-qorxu ilə danışdı. Mən onun rəhbəri Elvin bəyə bu barədə xəbər verdim. Lakin, rəhbəri onu və korrupsiya faktını dəstəkləyir. Mən Elvin bəyə "Sizin məmurunuz mənimlə kobud rəftar edə bilər? Rüşvət istəyə bilər?"- deyə sual verdim və o bəli dedi. Rəhbər belə danışırsa, məmurdan nə gözləyə bilərik? Hansı qanunda yazılıb ki, icra məmuru vətəndaşı həbs etməklə hədələsin? Bu məhkəmənin predmetidir. Bu barədə ancaq məhkəmə qərar verə bilər. O məmurlar kimdir ki, vətəndaşlarla bu formada danışırlar? İcra məmuru özbaşına şəkildə mənim haqqımda həbs qərarı çıxarıb".

Telegramda izləyin