Mövsümi allergiyalara qarşı təbii üsullar

Havanın dəyişməsu ilə əlaqədar toz, polen və rütubət miqdarının artması bir çox insanlarda mövsümi allergiyaları daha da gücləndirir. Burun axması, gözlərin sulanması, boğazda qaşınma və yorğunluq bu allergiyaların əsas əlamətləri hesab olunur.

Ölkə.az xəbər verir ki, dərman müalicəsi ilə yanaşı, bəzi təbii üsullar da allergiyanın təsirlərini azaltmağa kömək edə bilər.

Təbii qorunma yolları:
Zəncəfil və bal: Orqanizmdə iltihabı azaldır, boğaz qaşınmasına qarşı rahatlaşdırıcı təsir göstərir.

Nanə çayı: Burun tutulmasını yüngülləşdirir, nəfəs yollarını açır.

Dəniz suyu spreyi və ya duzlu qarqara: Burun yollarını təmizləyir, toz və polenlərin təsirini azaldır.

C vitamini ilə zəngin meyvələr (nar, portağal, kivi): İmmuniteti möhkəmləndirərək allergiyanın təsirini zəiflədir.

Evdə havanı təmiz saxlamaq: Pəncərələri tozlu saatlarda açmamaq, rütubət tənzimləyicilərindən istifadə etmək faydalıdır.

Həkimlər xəbərdarlıq edirlər ki, allergiya simptomları uzun müddət davam edərsə və nəfəs darlığı müşahidə olunarsa, mütləq həkimə müraciət edilməlidir.

Telegramda izləyin