Bir dəfəyə 10 litr su içsəniz, nə baş verər? - Dəhşətli açıqlama

İnsan orqanizmi müxtəlif sınaqlara dözə bilir, amma birdən-birə 10 litr su içmək — faciə ilə nəticələnə bilər.

Sonxeber.az Lent.az-a istinadla bildirir ki, alimlər və həkimlər belə bir hərəkətə cəsarət edənləri hansı nəticələrin gözlədiyini izah ediblər.

Qısa müddətdə 10 litr suyun qəbul edilməsi böyrəkləri həddindən artıq yükləyir. Onlar mayeni vaxtında xaric edə bilmir və bu, hiperhidratasiya adlı təhlükəli vəziyyətə gətirib çıxarır.

Hiperhidratasiya qanda natrium səviyyəsinin kəskin enməsinə səbəb olur ki, bu da hiponatremiya adlanır. Bu vəziyyət hüceyrələrin işləməsi üçün vacib olan elektrolit balansını pozur.

Xüsusilə beyin belə bir durumda çox həssas olur, çünki artıq su onun şişməsinə səbəb olur. Bu isə baş ağrılarına, şüurun qarışmasına və qıcolmalara gətirib çıxara bilər.

Ürək də əziyyət çəkir, çünki artan maye həcmini pompalamağa çalışır. Bu yüklənmə həyati təhlükəli olan ürək çatışmazlığına səbəb ola bilər.

2007-ci ildə amerikalı Cennifer Strenj bir yarışmada təxminən 7 litr su içmişdi. O, hiponatremiyanın yaratdığı beyin ödemindən dünyasını dəyişmişdi.

Su intoksikasiyasının simptomlarına ürəkbulanma, qusma və koordinasiya pozğunluğu daxildir. Ağır hallarda insan huşunu itirə və ya komaya düşə bilər.

Yetkin bir insanın böyrəkləri saatda təxminən 1 litr su emal edə bilir. Birdən-birə 10 litr su içmək bu normanı on dəfələrlə aşır və orqanizm üçün kritik yüklənmə yaradır.

Telegramda izləyin